କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : କେନ୍ଦ୍ରାପଡ଼ା ଜିଲ୍ଲାକୁ ଦୁଇ ଦିନିଆ ଗସ୍ତରେ ଆସିଛନ୍ତି 5T ସଚିବ ଭି କେ ପାଣ୍ଡିଆନ l ଗତ କାଲି ସକାଳ 11 ଟାରେ କେନ୍ଦ୍ରାପଡ଼ା ରେ ପହଂଚିବା ପରେ 5t ସଚିବ ପାଣ୍ଡିଆନ ଡେରାବିଶ, କେନ୍ଦ୍ରାପଡ଼ା, ପଟ୍ଟାମୁଣ୍ଡାଇ ଓ ମହାକାଳପଡ଼ା ବ୍ଲକ ରେ ବିଭିନ୍ନ କାର୍ଯ୍ୟକ୍ରମ ରେ ଯୋଗ ଦେଇଥିଲେ । ଆଜି ଆଳି, ରାଜକନିକା ଏବଂ ରାଜନଗର ବ୍ଲକର ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବା ସହ ସଂସ୍କୃତି ଭବନ ଠାରେ ଛାତ୍ର ପ୍ରତିନିଧି ଙ୍କ ସହ ମତ ବିନିମୟ କରିବେ ବୋଲି ସୂଚନା ମିଳିଛି l ଗତ କାଲି ପ୍ରମୁଖ କାର୍ଯ୍ୟକ୍ରମ ମଧ୍ୟରେ ମହାକାଳପଡ଼ା ବ୍ଲକ ର ଆଡ଼େlଇ ଠାରେ ପ୍ରସ୍ତାବିତ ଇସ୍ପାତ ଶିଳ୍ପର ଭୌଗୋଳିକ ସ୍ଥିତି ସମୀକ୍ଷା କରିଥିଲେ l ନୂଆ ଜିଲ୍ଲା ହସ୍ପିଟାଲ ସ୍ଥିତି ଅନୁଧ୍ୟାନ କରିବା ସହ ବିଭିନ୍ନ ମିଶନ ଶକ୍ତି ପ୍ରକଳ୍ପ ବୁଲି ଦେଖିଥିଲେ l ଏଥିସହ ମହିଳା ସ୍ୱୟଂ ସହାୟକ ଗୋଷ୍ଠୀ, ଜନ ପ୍ରତିନିଧି ଓ ଛାତ୍ର ସଂଗଠନ ପ୍ରତିନିଧି ମାନଙ୍କ ସହ ମତ ବିନିମୟ କରିବାର କାର୍ଯ୍ୟକ୍ରମ ରହିଛି l
