କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : ଦୁର୍ବୃତ୍ତ ଙ୍କ ଆକ୍ରମଣ ର ଶୀକାର ହେଲେ ସାମ୍ବାଦିକ । ଦିନକୁ ଦିନ ବଢ଼ିବାରେ ଲାଗିଛି ସାମ୍ବାଦିକ ଆକ୍ରମଣ ଘଟଣା l ପୁଣି କେନ୍ଦ୍ରାପଡ଼ା ରେ ଜଣେ କାର୍ଯ୍ୟରତ ସାମ୍ବାଦିକଙ୍କୁ ହୋଇଛି ମରଣlନ୍ତକ ଆକ୍ରମଣ l ଦୈନିକ ଖବର କାଗଜ “ନିର୍ଭୟ”ର ମହାକାଳପଡ଼ା ପ୍ରତିନିଧି ଆଳୟ ସାମନ୍ତରାୟ ଙ୍କୁ ହୋଇଛି ଆକ୍ରମଣ l ମାର୍ଶାଘାଇ ଥାନା ମଶାକଣି ଛକ ନିକଟରେ ଅଜଣା ଦୁର୍ବୁର୍ତ୍ତଙ୍କ ଆକ୍ରମଣରେ ଗୁରୁତର ଭାବେ ଆହତ ହୋଇ ପ୍ରଥମେ କେନ୍ଦ୍ରାପଡ଼ା ଓ ପରେ କଟକ ବଡ଼ ମେଡିକାଲ କୁ ସ୍ଥାନାନ୍ତରିତ ହୋଇଛନ୍ତି ଆଳୟ l ତେବେ ଏହି ଆକ୍ରମଣର କାରଣ ଅସ୍ପଷ୍ଟ ଥିବା ବେଳେ ଏନେଇ ପୋଲିସ ପକ୍ଷରୁ ତନାଘନା ଚାଲିଥିବାର ଜଣାପଡିଛି l ବାରମ୍ବାର ରାଜ୍ୟରେ ସାମ୍ବାଦିକ ମାନଙ୍କ ଉପରେ ଏପରି ଆକ୍ରମଣ କୁ ନିନ୍ଦା କରାଯାଉଥିବା ବେଳେ ଏନେଇ ସରକାର ଙ୍କ ପକ୍ଷରୁ କୌଣସି ଦୃଢ଼ ପଦକ୍ଷେପ ଗ୍ରହଣ କରାଯାଉନାହିଁ l ଯାହାକୁ ନେଇ ସାମ୍ବାଦିକ ମାନଙ୍କ ମହଲରେ ଅସନ୍ତୋଷ ଦାନା ବନ୍ଧୁଥିବା ବେଳେ ସବୁ ମହଲରେ ଉଦବେଗ ପ୍ରକାଶ ପାଉଛି l ତେବେ ଏଠାରେ ପ୍ରଶ୍ନ ଉଠୁଛି , ଆଉ କେତେ ଦିନ ରାଜ୍ୟରେ ସାମ୍ବାଦିକ ମାନେ ଏପରି ଅସୁରକ୍ଷିତ ରହିବେ ? କେବେ ହେବ ସାମ୍ବାଦିକ ସୁରକ୍ଷା ଆଇନ ? କେବେ ନିଆଯିବ ଦୃଢ଼ ପଦକ୍ଷେପ ସେ ନେଇ ସମସ୍ତଙ୍କ ନଜର ରହିଛି l ଅପରପଟେ ଉକ୍ତ ଘଟଣାରେ ସାମ୍ବାଦିକଙ୍କ ମହଲରେ ଦୃଢ କାର୍ଯ୍ୟାନୁଷ୍ଠାନ ଓ ଗିରଫ ଦାବି ସହ ଦୃଢ ନିନ୍ଦା ମଧ୍ୟ ପ୍ରକାଶ ପାଇଛି ।
