ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଥାନା ଅନ୍ତର୍ଗତ କଇଁଜିରା ଗ୍ରାମର ପୀତବାସ ମହାନ୍ତଙ୍କ ସ୍ତ୍ରୀ ମନ୍ଦାକିନୀ ମହାନ୍ତଙ୍କର ସନ୍ଦେହ ଜନକ ମୃତ୍ୟୁକୁ ନେଇ ସୁକିନ୍ଦା ଥାନାରେ ଅଭିଯୋଗ ହେବା ପରେ ଜଣେ ଅଟକ ଥିବା ଦେଖିବାକୁ ମିଳିଛି । ସୂଚନା ମୁତାବକ ନଡ଼ିଆଭଙ୍ଗା ଗ୍ରାମ ପଞ୍ଚାୟତ ଅଧିନସ୍ଥ ରଙ୍ଗାହୁଡ଼ି ଗ୍ରାମର ଖଗେଶ୍ବର ମହାନ୍ତଙ୍କ ଝିଅ ମନ୍ଦାକିନୀ ମହାନ୍ତ ଓଳିଆ ପଞ୍ଚାୟତ ସ୍ଥିତ କଇଁଜିରା ଗ୍ରାମର ପୀତବାସ ମହାନ୍ତଙ୍କୁ ବିବାହ କରିଥିଲେ । କଇଁଜିରା ଗ୍ରାମରେ ମନ୍ଦାକିନୀ ମହାନ୍ତଙ୍କର ସନ୍ଦେହ ଜନକ ମୃତ୍ୟୁକୁ ନେଇ ମନ୍ଦାକିନୀ ଙ୍କ ପିତା ଖଗେଶ୍ବର ମହାନ୍ତ ଓ ତାଙ୍କ ପରିବାର ବର୍ଗ ଏକ ଲିଖିତ ଅଭିଯୋଗ କରିଥିଲେ । ସୁକିନ୍ଦା ପୋଲିସ ଲିଖିତ ଅଭିଯୋଗକୁ ଭିତ୍ତି କରି ମନ୍ଦାକିନୀଙ୍କ ସ୍ବାମୀ ପୀତବାସ ମହାନ୍ତଙ୍କୁ ଥାନାରେ ଅଟକ ରଖି ତଦନ୍ତ ଜାରି ରଖିଛି ।
