ରାସଗୋବିନ୍ଦପୁର ( ଆୱାଜ ମିଡ଼ିଆ ) – ଚନ୍ଦନ କୁମାର ଦାସ : ମୟୂରଭଞ୍ଜ ଜିଲ୍ଲାର ରାସଗୋବିନ୍ଦପୁର ବ୍ଲକ ଅନ୍ତର୍ଗତ ଝାଟିଅଡା ପଞ୍ଚାୟତ ର ଏକ ନାବାଳିକା କୁ ପ୍ରେମ କରି ଶାରୀରିକ ସମ୍ପର୍କ ରଖିବା ସହ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଭାଇରାଲ୍ କରି ଧମକ ଦେଉଥିବା ଫେରାର ଯୁବକଙ୍କୁ ଆଜି ରାସଗୋବିନ୍ଦପୁର ପୋଲିସ ଗିରଫ କରି କୋର୍ଟ ଚାଲାଣ କରିଛି । ସୂଚନା ମୁତାବକ ବାଲିଆପାଳ ଥାନା ଅନ୍ତର୍ଗତ ମଧୁପୂରା ଗାଁ ର ବନମାଳୀ ଘୋଡେ଼ଇ ଙ୍କ ୨୩ବର୍ଷିୟ ପୁଅ ସଞ୍ଜୟ , ରାସଗୋବିନ୍ଦପୁର ଥାନା ଅନ୍ତର୍ଗତ ଝାଟିଅଡା ପଞ୍ଚାୟତ ର ଏକ ନାବାଳିକା ଝିଅ କୁ ବିଭିନ୍ନ ପ୍ରଲୋଭନ ଦେଖାଇ ଶାରୀରିକ ସମ୍ପର୍କ ରଖିଥିଲା । ଏବଂ ଅନ୍ତରଙ୍ଗ ମୂହୁର୍ତ୍ତ ର ବିଭିନ୍ନ ଅଶ୍ଳୀଳ ଭିଡିଓ ଉଠାଇ ରଖିଥିଲେ । ସେହି ଭିଡିଓ କୁ ଦେଖାଇ ଶାରୀରିକ ସମ୍ପର୍କ ରଖିବାକୁ ଧମକ ଦେଉଥିଲେ । ତେବେ ନାବାଳିକା ଜଣକ ପରିବାର ଲୋକଙ୍କୁ ଜଣାଇବା ପରେ ନାବାଳିକାର ମା” ରାସଗୋବିନ୍ଦପୁର ଥାନାରେ ଏତଲା ଦେଇଥିଲେ। ତେବେ ଉଭୟ ଗ୍ରାମ ର ଭଦ୍ର ବ୍ୟକ୍ତିଙ୍କ ଦ୍ୱାରା ଥାନା ରେ ଆପୋଷ ବୁଝାମଣା ହୋଇଥିଲା । କିନ୍ତୁ ଯୁବକ ଜଣକ ପ୍ରତିଶୋଧ ପରାୟଣ ହୋଇ ବାରମ୍ବାର ଅଶ୍ଳୀଳ ଭିଡିଓ କୁ ସୋସିଆଲ ମିଡ଼ିଆ ରେ ଭାଇରାଲ୍ କରି ନାବାଳିକା କୁ ବରବାଦ୍ କରିଦେବା ଧମକ ଦେଉଥିଲେ । ଏପ୍ରସଙ୍ଗରେ ନାବାଳିକା ର ମା ପୁନର୍ବାର ରାସଗୋବିନ୍ଦପୁର ଥାନାରେ ଅଭିଯୋଗ କରିଥିଲେ । ପୋଲିସ କାର୍ଯ୍ୟାନୁଷ୍ଠାନ ନ ନେବାରୁ ନାବାଳିକା ର ମା ମୟୂରଭଞ୍ଜ ଏସ.ପି ଙ୍କୁ ଜଣାଇଥିଲେ । ତେବେ ଏହି ଘଟଣା ବିଭିନ୍ନ ଗଣମାଧ୍ୟମ ରେ ପ୍ରଘଟ ହେବାରୁ ରାସଗୋବିନ୍ଦପୁର ଥାନା ଅଧିକାରୀ ରଞ୍ଜନ କୁମାର ସେଠୀ ଙ୍କ ଅଧ୍ୟକ୍ଷତାରେ ଏକ ଟିମ ଗଠନ କରି ବିଭିନ୍ନ ସ୍ଥାନରେ ଚଢାଉ କରି ଫେରାର ଯୁବକଙ୍କୁ ଧରିବାରେ ସକ୍ଷମ ହୋଇଥିଲେ । ତେବେ ଆଜି ନାବାଳିକା ର ବୟାନ ରେକର୍ଡ କରିବା ସହ ଡ଼ାକ୍ତରୀ ମାଇନା କରି ଅପରାଧୀ ଯୁବକଙ୍କୁ କୋର୍ଟ ଚାଲାଣ କରାଯାଇଛି ।
