ବାଲୁଗାଁ ଓଡ଼ି ଆର୍ଟ ପରିସରରେ ଆୟୋଜିତ ରଜ ଉତ୍ସବ ୨୦୨୩ : ରଜ ର ରାଜ କୁମାରୀ ହେଲେ ଜୁନାଲି ସୁର !!!

ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : ବାଲୁଗାଁ ଓଡ଼ି ଆର୍ଟ ପରିସରରେ ତିନିଦିନ ଧରି ଆୟୋଜିତ ହୋଇଥିବା ଚଳିତ ବର୍ଷ ରଜ ଉତ୍ସବ ୨୦୨୩ ର ରଜର ରାଜ କୁମାରୀ ହେଲେ ଜୁନାଲି ସୁର ! ରଜର ରାଣୀ ହୋଇଛନ୍ତି ମମିତା ନରେନ୍ଦ୍ର ସିଂ ବର୍ମା । ବନସ୍ତେ ଡାକିଲା ଗଜ ବରଷକେ ଥରେ ଆସିଛି ରଜ , ଆସିଛି ରଜଲୋ ହେବା ଆମେ ସଜବାଜ l ଗାଁ ଗହଳିରୁ ଠୁ ଧରି ପୁରପଲ୍ଲୀ ଓ ସହର ସବୁଠି ରଜରେ ସମସ୍ତଙ୍କ ମନରେ ଉତ୍ସାହ ଦେଖିବାକୁ ମିଳିଥାଏ । ଖାସ କରି ରଜରେ ଝିଅମାନେ ବେସ ସାଜସଜା ହୋଇ ବିଭିନ୍ନ ପିଠା ପଣା ଖାଇବା ସହିତ ନାଚଗୀତ ରେ ମସୁଗଲ ରହିଥାନ୍ତି ଏବଂ ଦୋଳିରେ ମଜା ଉଠାଇ ରଜଗିତ ଗାଇବା ସହିତ ମିଠା ପାନ ମଧ୍ୟ୍ୟ ଖୁସିରେ ଖାଇଥାନ୍ତି l ଓଡ଼ିଶାର ଏହି ଗଣପର୍ବ କାହିଁ କେଉଁ କାଳରୁ ପାଳିତ ହୋଇଆସୁଛି l ଏହି ଅବସରରେ ଖୋର୍ଦ୍ଧା ଜିଲ୍ଲା ବାଲୁଗାଁ ନିକଟସ୍ଥ ବଡକୁଳ ଓଡ଼ି ଆର୍ଟ ପରିସରରେ ତିନିଦିନ ବଡ ଧୂମଧାମ ରେ ପାଳିତ ହେଇ ଯାଇଛି ରଜ ଉତ୍ସବ ୨୦୨୩ l ରଜ ଉତ୍ସବ ର ପ୍ରଥମ ଦିନ, ଦ୍ୱିତୀୟ ଦିନ ବିଭିନ୍ନ ପ୍ରତିଯୋଗିତା ହୋଇଥିବା ବେଳେ ତୃତୀୟ ଦିନରେ ମଧ୍ୟ ବିଭିନ୍ନ ପ୍ରତିଯୋଗିତା ହୋଇଥିଲା । ମିୟୁଜିକ୍ ଚେୟାର, ଝୋଟି, ମେହେନ୍ଦି, ଗୀତ ଗାଇବା, ପିଠା କରିବା, ନାଚ କରିବା, କୁଇଜ ପତିଯୋଗିତା ପରି ଅନେକ ପ୍ରତିଯୋଗିତା ହୋଇଥିଲା । ଏଥିରେ ବାଲୁଗାଁ ବାଣପୁର ଅଞ୍ଚଳର ପ୍ରାୟ ୪୦ ବାଳିକା ଓ ମହିଳା ଭାଗ ନେଇଥିଲେ। ଶେଷ ଦିନ ଅବସରରେ ବିଭିନ୍ନ ପ୍ରତିଯୋଗିତାରେ ଭାଗ ନେଇ ପ୍ରଥମ,ଦ୍ୱିତୀୟ, ତୃତୀୟ ସ୍ଥାନ ଅଧିକାର କରିଥିବା ବାଳିକା ଓ ମହିଳା ମାନଙ୍କୁ ପୁରସ୍କାର ବିତରଣ କରାଯାଇଥିଲା ଓ ଚଳିତ ବର୍ଷ ସମସ୍ତ କୁଆଁରୀ ଝିଅଙ୍କୁ ପଛରେ ପକାଇ ବାଲୁଗାଁ ନୂଆଗଡ ଗ୍ରାମର ଝିଅ ଜୁନାଲି ସୁର ରଜ ଉତ୍ସବର ରଜରାଜ କୁମାରୀ ୨୦୨୩ ହୋଇ ପାରିଛନ୍ତି ଏବଂ ରଜର ରାଣୀ ହିସାବରେ ମମିତା ନରେନ୍ଦ୍ର ସିଂ ବର୍ମା ପୁରସ୍କୃତ ହୋଇଛନ୍ତି।।