କଟକ ସଦର ସମସ୍ୟା ନେଇ ଉବିପ ସଭାପତି ଇଂ.ପ୍ରକାଶ ଚଂଦ୍ର ସେଠୀଙ୍କ ନେତୃତ୍ୱରେ ସଦର ବ୍ଲକ ଘେରାଉ ଓ ପ୍ରତିବାଦ ସଭା !!!

କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : କଟକ ସଦର ବ୍ଲକର କୋଟିପତି ସହକାରୀ ଯନ୍ତ୍ରୀ ମହା ଦୁର୍ନୀତିରେ ଛନ୍ଦି ହୋଇ ଭିଜିଲାନ୍ସ ଦ୍ବାରା ଗିରଫ ଘଟଣା ପରେ ଏଥିରେ ସଂପୃକ୍ତ ବିଡ଼ିଓ ଏବଂ ଅନ୍ୟ ଅଧିକାରୀଙ୍କୁ ତଦନ୍ତ ପରିସରଭୁକ୍ତ ଓ ବିଧାୟକ, ବିଡ଼ିଓଙ୍କ ସହ ଏଥିରେ ଅଂଶୀଦାର ଥିବା ସମସ୍ତ କର୍ମଚାରୀଙ୍କୁ ଗିରଫ କରାଯିବା ଏଥି ସହ କଟକ ସଦର ଅଞ୍ଚଳର ନାନା ବିଧ ସମସ୍ୟାର ସମାଧାନ ଦାବୀର ଯଥା ୪୨ ମୌଜ଼ାର ମୋ ବସ ଚଲାଇବା ମୁଖ୍ୟ ରାସ୍ତା ସମ୍ପ୍ରସାରଣ, ମନରେଗା କାର୍ଯ୍ୟର ଦୁର୍ନିତି ସମୀକ୍ଷା ନେଇ ଅଗ୍ରଣୀ ସାମାଜିକ ସଂଗଠନ ଉତ୍କଳ ବିକାଶ ପରିଷଦ (ଉବିପ) ପକ୍ଷରୁ ସଭାପତି ଯୁବ ସମାଜସେବୀ ଇଂ.ପ୍ରକାଶ ଚଂଦ୍ର ସେଠୀଙ୍କ ଆହ୍ବାନ କ୍ରମେ ସଦର ବ୍ଲକ ଘେରାଉ ସହ ପ୍ରତିବାଦ ସଭା ଅନୁଷ୍ଠିତ ହେଇଯାଇଛି । ଲିଖିତ ଆକାରରେ ମାନ୍ୟବର ରାଜ୍ୟପାଳଙ୍କୁ ବିଡ଼ିଓଙ୍କ ଜରିଆରେ ଦାବୀ ପତ୍ର ପ୍ରଦାନ କରାଯାଇଛି । ଏଥିରେ ପରିଷଦର କାର୍ଯ୍ୟକର୍ତ୍ତା ଦେବୀପ୍ରସାଦ ପତି, ବଂଶୀଧର ତ୍ରିପାଠୀ, ଅନିଲ ମହାପାତ୍ର, ସୁରେଶ ପ୍ରଧାନ, ପ୍ରଶାନ୍ତ ରାଉଳ, ସୁଧାଂଶୁ ଶେଖର ପଣ୍ଡା, ଅଶୋକ ମହାନ୍ତି, ମାନସ ରଞ୍ଜନ ପତି, ବନ ବିହାରୀ ମୁଦୁଲି, ସତ୍ୟବ୍ରତ ସାହୂ, ଜୟନ୍ତୀ ସାହୂ, ନିରଞ୍ଜନ ରାଉଳ, ସନ୍ତୋଷ ଭୋଇ, ରବିନ୍ଦ୍ର ପାତ୍ର, ଧନେଶ୍ୱର ରାଉଳ, ସଞ୍ଜୟ ସେଠୀ, ସୁରେଶ ପ୍ରଧାନ, ପ୍ରତାପ କିଶୋର ଜେନା, ସୁରେଶ ଜେନା, ବସନ୍ତ ପତି, ଶ୍ରୀମନ୍ତ ପରିଡ଼ା, ଅଲେଖ ଦାସ ଓ ଅନ୍ୟମାନେ ଉପସ୍ଥିତ ଥିଲେ ।