ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ଥାନା ଅନ୍ତର୍ଗତ ସୁକିନ୍ଦା ରେଲୱେ ଟ୍ରାକ ସାଇଟରୁ ସକାଳ ସମୟରେ ସଂଜ୍ଞାହୀନ ଅବସ୍ଥାରେ ଜଣେ ଯୁବକ ଉଦ୍ଧାର ହୋଇଛନ୍ତି । ସ୍ଥାନୀୟ ଲୋକେ ଚାଷ କାର୍ଯ୍ୟରେ ଯାଉଥିବା ସମୟରେ ସୁକିନ୍ଦା ରେଲୱେ ଟ୍ରାକ ସାଇଟରେ ଜଣେ ଯୁବକ ସଂଜ୍ଞାହୀନ ଅବସ୍ଥାରେ ପଡି ରହିଥିବା ଦେଖିବାକୁ ପାଇଥିଲେ । ଏହି ଘଟଣା ଦେଖି ତୁରନ୍ତ ସୁକିନ୍ଦା ପୋଲିସ ଓ ଦମକଳ ବାହିନୀର କର୍ମଚାରୀ ମାନଙ୍କ ସହିତ ଯୋଗାଯୋଗ କରିଥଲେ । ସୁକିନ୍ଦା ଦମକଳ ବାହିନୀର କର୍ମଚାରୀ ମାନେ ସୂଚନା ପାଇ ତୁରନ୍ତ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଉଦ୍ଧାର କରି ସୁକିନ୍ଦା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିବା ପରେ ଏବେ ତାଙ୍କର ପ୍ରାଥମିକ ଚିକିତ୍ସା ଆରମ୍ଭ ହୋଇଥିଲା ! ଉଦ୍ଧାର ଯୁବକଙ୍କ ପକେଟ୍ ରୁ ମିଳିଥିବା ଆଇଡି କାର୍ଡ ସୂଚନା ମୁତାବକ ଯୁବକ ଜଣକ ଢେ଼ଙ୍କାନାଳ ପିପଳା ଗ୍ରାମର ରିଣ୍ଟୁ ମଲ୍ଲିକ ବୋଲି ଜଣା ପଡ଼ିଛି । ଯୁବକ ଜଣକ କିପରି ସୁକିନ୍ଦା ରେଲୱେ ଟ୍ରାକ ସାଇଟ କୁ ଆସିଲେ , ନା ତାଙ୍କୁ କେହି ଆଣି ରେଲୱେ ଟ୍ରାକରେ ପକାଇ ପଳେଇ ଯାଇଛି ସେ ସମ୍ପର୍କରେ ସ୍ଥାନୀୟ ପୋଲିସ ତଦନ୍ତ ଜାରି ରଖିଛି !
