ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ପ୍ରଶାସନିକ ଅବ୍ୟବସ୍ଥା ଏବଂ ଶାସକ ଦଳର ସ୍ୱେଚ୍ଛାଚାରିତା ବିରୋଧରେ ରାଜରାସ୍ତାକୁ ଓହ୍ଲାଇ ବିକ୍ଷୋଭ କଲା ବାଙ୍କୀ ବିଜେପି ! ବାଙ୍କୀ ରେ ଆୟୋଜିତ ହୋଇଯାଇଛି ଜନ ଆକ୍ରୋଶ ରାଲି ! ହଜାର ହଜାର ସଂଖ୍ୟାରେ ଭାଜପା କର୍ମୀ ବାଙ୍କୀ ରେ ଏକାଠି ହୋଇ ବାଙ୍କୀ ଡମପଡା ବ୍ଲକ ଘେରାଉ କରିବା ସହ ମଣ୍ଡଳ ଉନ୍ନୟନ ଅଧିକାରୀଙ୍କୁ ଦେଇଛନ୍ତି ଚେତାବନୀ ! ରାଜ୍ୟର ଶାସନ , ତାମିଲ ହାତରେ ପଡିଛି ବନ୍ଧା , ତାମିଲ ଲୋକ ଭାଷଣ ଦେବାକୁ ଆସିଲେ ବିଧାୟକ ଖୁଣ୍ଟ ପୋତୁଛନ୍ତି ବୋଲି କଟାକ୍ଷ କରିଛନ୍ତି ବାରଂଗ ବିଜେପି ନେତା ତଥା ଜିଲ୍ଲା ପରିଷଦ ସଭ୍ୟ ତୁଷାରକାନ୍ତ ଚକ୍ରବର୍ତ୍ତୀ ! କୃଷି ଠାରୁ ଆରମ୍ଭ କରି ଶିକ୍ଷା ସ୍ୱାସ୍ଥ୍ୟ ଯାଏଁ ସବୁ କ୍ଷେତ୍ରରେ ବାଙ୍କୀର ଅବ୍ୟବସ୍ଥା ! ଶାସକ ଦଳର ନେତାଙ୍କ ଆଦେଶରେ ଉଠବସ ହୋଇ ମଣ୍ଡଳ ଉନ୍ନୟନ ଅଧିକାରୀ ପାଲଟିଛନ୍ତି ଅମେରୁଦଣ୍ଡୀ ! ସଧାରଣ ଲୋକଙ୍କ ଅଭିଯୋଗ ଶୁଣି ସମାଧାନ ପାଇଁ ବାଙ୍କୀ ପ୍ରଶାସନ ଅକ୍ଷମ ବୋଲି କହିଛନ୍ତି ବାଙ୍କୀ ବିଜେପି ନେତା ଅଜୟ ସ୍ୱାଇଁ ! ସାରା ବାଙ୍କୀ ରେ କେବଳ ଉଦଘାଟନ ଫଳକ ମାରି ବାଙ୍କୀ ବିକାଶର ନାରା ଦେଉଥିବା ବିଧାୟକ ଏବଂ ତାଙ୍କ ବାପା ତଥା ପୂର୍ବତନ ବିଧାୟକଙ୍କୁ ଟାର୍ଗେଟ କରିଥିଲେ ଆନ୍ଦୋଳନକାରୀ ! ଆସନ୍ତା 2024 ରେ ବାଙ୍କୀରେ ପରିବର୍ତ୍ତନ ଆହ୍ୱାନ ଦେଇଛନ୍ତି ଯୁବନେତା ସରୋଜ ମତ୍ତଗଜସିଂହ ! ତେବେ ବାଙ୍କୀ ରାଜରାସ୍ତାରେ ବିଜେପି ର ଏ କାର୍ଯ୍ୟକ୍ରମ ଦିନିକିଆ ନୂହେଁ , ସୂଚନା ଅନୁସାରେ ଆସନ୍ତା କାଲି ମଧ୍ୟ ବାଙ୍କୀ ବିଜେପି ର ଆଉ ଏକ ଗୋଷ୍ଠୀ ଆନ୍ଦୋଳନକୁ ଓହ୍ଲାଇବ !
