କଟକ ସଦର ( ଆୱାଜ ମିଡ଼ିଆ ) – ଶ୍ରୀକାନ୍ତ ବେଉରା : ଡଃ. ହରେକୃଷ୍ଣ ମହତାବଙ୍କ ୧୨୫ ତମ ଜୟନ୍ତୀ ୪୨ମୌଜା ଏରଞ୍ଚ ସ୍ଥିତ ଗୋପବନ୍ଧୁ ପ୍ରୌଢ ନିବାସ ଠାରେ ପାଳିତ ହୋଇଯାଇଛି । କାର୍ଯ୍ୟକ୍ରମର ଆବାହକ ତଥା ପ୍ରୌଢ ନିବାସର ସମ୍ପାଦକ ଅନୁପମ ପତି ସ୍ବାଗତ ଭାଷଣ ଦେଇଥିଲେ । ମୁଖ୍ୟ ବକ୍ତା ୪୨ ମୌଜା ବିକାଶ ପରିଷଦର ସମ୍ପାଦକ ସନ୍ତୋଷ କୁମାର ପତିଙ୍କ ପ୍ରସ୍ତାବ କ୍ରମେ ୪୨ ମୌଜା ଶାନ୍ତି କମିଟିର ସଭାପତି ଶରତ କୁମାର ରାୟ ସଭାରେ ସଭାପତିତ୍ବ କରିଥିଲେ । ସମ୍ମାନୀୟ ଅତିଥି ଭାବେ ୪୨ ମୌଜା ଯାଦବ ମହାସଭାର ସଭାପତି ବୁଲେଇ ବେହେରା, ସମାଜସେବୀ ଶୁକଦେବ ପଟ୍ଟନାୟକ, କିଶୋର ବାରିକ, ନିହାର ରଞ୍ଜନ ଦାସ, ଜ୍ୟୋତିରଂଜନ ଦାସ, ରବୀନ୍ଦ୍ର ମହାନ୍ତି ଓ ପ୍ରୌଢ ନିବାସର ଅନ୍ତେବାସୀ ପ୍ରମୁଖ ଡଃ. ମହତାବଙ୍କ ଫଟୋଚିତ୍ରରେ ପୁଷ୍ପଗୁଚ୍ଛ ଦେଇ ଶ୍ରଦ୍ଧା ସୁମନ ଅର୍ପଣ କରିଥିଲେ । ବକ୍ତା ମାନେ ଡଃ. ମହତାବଙ୍କ ଜୀବନୀ ଶୈଳୀ, ବଳିଷ୍ଠ ବ୍ୟକ୍ତିତ୍ବ ଓ ସମାଜ ପାଇଁ ତାଙ୍କର ଅବଦାନ ଅତୁଳନୀୟ ବର୍ଣ୍ଣନା କରି ଗୁଣଗାନ କରିଥିଲେ । କିଶୋର ବାରିକ ଧନ୍ୟବାଦ୍ ପ୍ରଦାନ କରିଥିଲେ ।
