ନିଶ୍ଚିନ୍ତକୋଇଲି ( ଆୱାଜ ମିଡ଼ିଆ ) – ଡମ୍ବରୁଧର ବେହେରା : କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ଅସୁରେଶ୍ଵର ରେ ଗତକାଲି ବିଳମ୍ବିତ ରାତିରେ ପୋଲିସ ର ଏନକାଉଣ୍ଟର । ଦୁର୍ଦ୍ଦାନ୍ତ ଅପରାଧୀ ସୁଶାନ୍ତ ସାହୁ ଙ୍କ ଜଂଘରେ ଗୁଳି ବାଜି ଗୁରୁତର । ସୂଚନା ମୁତାବକ ନିଶ୍ଚିନ୍ତକୋଇଲି ପୋଲିସ ଗତକାଲି ବିଳମ୍ବିତ ରାତିରେ ଅସୁରେଶ୍ଵର ଅଞ୍ଚଳରେ ପେଟ୍ରୋଲିଙ୍ଗ କରୁଥିବା ସମୟରେ ପଦିଆଦଣ୍ଡା ଖେଳ ପଡିଆ ରେ ଅପରାଧ ଘଟାଇବା ପାଇଁ ଷଡଯନ୍ତ୍ର କରୁଥିବା ଦୁର୍ବୁତ୍ତ ଙ୍କୁ କାବୁ କରିବା ପାଇଁ ଚଢ଼ାଉ କରିଥିଲା ! ଅପରାଧୀ ମାନେ ପୋଲିସ ଗାଡି ଉପରକୁ ଫାଇରିଙ୍ଗ କରିବାରୁ , ନିଶ୍ଚିନ୍ତକୋଇଲି ପୋଲିସ ଏହାର ଜବାବ ଦେଇ ଓଲଟା ଅପରାଧୀ ଙ୍କୁ ଗୁଳିମାଡ କରିଥିଲା । ଅପରାଧୀ ସୁଶାନ୍ତ ସାହୁ ଙ୍କ ଜଙ୍ଘ ରେ ଗୁଳି ବାଜିଥିଲା । ତାଙ୍କୁ ଗୁରୁତର ଅବସ୍ଥାରେ ମେଡିକାଲ ଭର୍ତ୍ତି କରିଥିଲେ । ସୁଶାନ୍ତ ଙ୍କ ଘର ଜଗତସିଂହପୁର ଜିଲ୍ଲା ଜଣା ପଡିଥିବା ବେଳେ ତାଙ୍କ ନାଁ ରେ ରାଜ୍ୟରେ ବିଭିନ୍ନ ଥାନାରେ ୫୭ ରୁ ଅଧିକ ମାମଲା ଥିବା ଜଣା ପଡିଛି । ଘଟଣା ସ୍ଥଳରୁ ପୋଲିସ ଗୋଟିଏ ବନ୍ଧୁକ ଜବତ କରିଛି ।
