ଭୁବନେଶ୍ୱର ( ଆୱାଜ ମିଡ଼ିଆ ) – ନିରଞ୍ଜନ ସାହୁ : ବିଶିଷ୍ଟ ଗାନ୍ଧୀବାଦୀ ଓ ସର୍ବୋଦୟ ନେତା ଡ ଏସ ଏନ୍ ସୁବାରାଓ ଙ୍କ ୯୫ ତମ ଜୟନ୍ତୀ ଅବସରରେ ରାଜଧାନୀ ଡ଼ାକ୍ତରଖାନା ରକ୍ତ କେନ୍ଦ୍ର ପରିସରରେ ଏକ ରକ୍ତଦାନ ଶିବିର ଆୟୋଜିତ ହୋଇଥିଲା । ଏହି ଶିବିର ଟି ଜାତୀୟ ଯୁବ ପ୍ରକଳ୍ପ ଏବଂ ମିଶନ ରକ୍ତଦାନ ତରଫରୁ ଆୟୋଜନ କରାଯାଇଥିଲା । ଆଇ ଏମ୍ ଏସ ଏବଂ କମଳା ନେହେରୁ ମହିଳା ବିଶ୍ଵ ବିଦ୍ୟାଳୟ ର ଛାତ୍ରୀ ସାମିଲ ହୋଇ ରକ୍ତଦାନ କରିଥିଲେ । ଶିବିରରୁ ୨୦ ୟୁନିଟ ରକ୍ତ ସଂଗୃହୀତ ହୋଇଥିଲା । ସନ୍ଧ୍ୟାରେ ଜାତୀୟ ଯୁବ ପ୍ରକଳ୍ପ ରାଜ୍ୟ କାର୍ଯ୍ୟାଳୟ ପରିସରରେ ସର୍ବଧର୍ମ ପ୍ରାର୍ଥନା ସଭା ଆୟୋଜନ କରାଯାଇଥିଲା ।
