ବଡମ୍ବା ( ଆୱାଜ ମିଡ଼ିଆ ) – ପ୍ରତାପ ନାୟକ : ବଡମ୍ବା ଠାରେ ଆମ ବସଷ୍ଟାଣ୍ଡ ର ଭୂମିପୂଜା ହୋଇଯାଇଛି । ଏହି କାର୍ଯ୍ୟକ୍ରମ ରେ ବିଧାୟକ ଦେବୀପ୍ରସାଦ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ , ଉଦଘାଟକ କଟକ ସାଂସଦ ଭର୍ତ୍ତୃହରି ମହତାବ ଯୋଗ ଦେଇଥିଲେ ! ଅନ୍ୟ ମାନଙ୍କ ମଧ୍ୟରେ ବ୍ଲକ ଅଧକ୍ଷ ରଘୁପତି ମହାନ୍ତି, ଉପାଧ୍ୟାକ୍ଷା ସ୍ଵର୍ଣଲତା ବେହେରା, ଜିଲ୍ଲା ପରିଷଦ ସଭ୍ୟ ରବୀନ୍ଦ୍ର କୁମାର ସାହୁ ଙ୍କ ସମେତ ବହୁ ବୁଦ୍ଧିଜୀବୀ ଯୋଗ ଦେଇଥିଲେ । ବଡମ୍ବା ଅଞ୍ଚଳ କୁ ରାଜ୍ୟ ସରକାର ଅଧିସୂଚିତ କ୍ଷେତ୍ର ପରିଷଦ ଘୋଷଣା କରିବା ପରେ ଲୋକଙ୍କ ମନରେ ବେଶ ଉତକଣ୍ଠା ଦେଖିବାକୁ ମିଳିଛି । ତେବେ ପୂର୍ବରୁ ଏହି ବସଷ୍ଟାଣ୍ଡ ନିର୍ମାଣ କରିବା ପାଇଁ ତିନି ତିନି ଥର ଶୁଭ ଦିଆଯାଇଥିବା ବେଳେ ଆଜି ପୁନଶ୍ଚ ଆଉ ଥରେ ଶୁଭ ଦିଆଯାଇଛି । ଏହି ପରିପ୍ରେକ୍ଷୀରେ ନିର୍ବାଚନ ବିଗୁଲ ବାଜିବା ଆଗରୁ କିଛି ସରକାରୀ କାର୍ଯ୍ୟକ୍ରମ ତଥା , କଳା ସାହିତ୍ୟ ସଂସ୍କୃତି ର କିଛି ଆଗ ଧାଡ଼ିର କଳାକାର ମାନଙ୍କୁ ସରକାର ଯେଉଁ ଭତ୍ତା ବଢ଼ାଇଛନ୍ତି ସେ ଦିଗରେ ଅଂଚଳ ପକ୍ଷରୁ ମୁଖ୍ୟମନ୍ତ୍ରୀ ଙ୍କୁ ଏକ ଧନ୍ୟବାଦ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବଡମ୍ବା ଅଞ୍ଚଳର ବହୁ ବୁଦ୍ଧିଜୀବୀ ଏବଂ କଳାକାର ଧନ୍ୟବାଦ ଅର୍ପଣ କରିଥିଲେ । ତେବେ ଦୁଇ ଦୁଇ ଥର ବସଷ୍ଟାଣ୍ଡ ର ଭୂମି ପୂଜନ କାର୍ଯ୍ୟକ୍ରମ ପୂର୍ବରୁ ହୋଇଥିଲେ ମଧ୍ୟ ଆଜି ପର୍ଯ୍ୟନ୍ତ କଣ ପାଇଁ ହୋଇନଥିଲା ବୋଲି ବିଜେପି ପ୍ରଶ୍ନ କରିଛି । ଏହା କେବଳ ରାଜନୀତି ଚାଲ ବୋଲି ବିଜେପି କହିଛି । ପୂର୍ବରୁ ମୋ ବସ ସେବା ଭଳି ଏବେ ଲଷ୍ମୀ ବସ ର ପ୍ରଚଳନ କରିଛନ୍ତି ବିଜେଡ଼ି ସରକାର ! ପୂର୍ବ ଭଳି ମୋ ବସ ସେବା ଭଳି , ଲଷ୍ମୀ ବସ ର ଏକ ନମୁନା ଦେଖାଉଛନ୍ତି ବୋଲି ବିଜେପି ଥଟା ପରିହାସ କରିଛି । ଆଗକୁ ଦେଖିବାକୁ ବାକି ରହିଛି – ମୋ ବସ ଭଳି , ଲଷ୍ମୀ ବସ କେତେଦିନ ଚାଲିବ ! ତାକୁ ନେଇ ବିଜେପି ଦଳର କିଛି ବରିଷ୍ଠ ନେତୃତ୍ୱ ମତ ପ୍ରକାଶ କରିଛନ୍ତି । ଏହା କେବଳ ନିର୍ବାଚନ ଆସିଲେ ଏମିତି ଥୋପ ପକାଏ ବିଜେଡ଼ି ବୋଲି ବିଜେପି ଦଳର ବଡମ୍ବା ବିଧାୟକ ପ୍ରାର୍ଥୀ ବିଜୟ ଦଳବେହେରା ପ୍ରକାଶ କରିଛନ୍ତି ।
