ଭୁବନେଶ୍ୱର ( ଆୱାଜ ମିଡ଼ିଆ ) – ଶାଶ୍ଵତୀ ନାୟକ : ଓଡିଶା ଆମ ଆଦମୀ ପାର୍ଟି ତରଫରୁ ପ୍ରଥମ ପର୍ଯ୍ୟାୟ ବିଧାନସଭା ପ୍ରାର୍ଥୀ ତାଲିକା ଘୋଷଣା ହୋଇସାରିଛି ! ବିଭିନ୍ନ ନିର୍ବାଚନ ମଣ୍ଡଳୀରେ ଲଢ଼ିବା ପାଇଁ ଆଗ୍ରହୀ କାର୍ଯ୍ୟକର୍ତ୍ତା ଆବେଦନ କରିବା ପରେ ରାଜ୍ୟ ଶାଖା ପକ୍ଷରୁ ଦିଲ୍ଲୀ ମୁଖ୍ୟ କାର୍ଯ୍ୟାଳୟକୁ ତାଲିକା ପଠା ଯାଇଥିଲା ! ଦିଲ୍ଲୀରୁ ଅନୁମୋଦନ ହୋଇ ଆସିବା ପରେ ୩୭ ଜଣ ପ୍ରାର୍ଥୀଙ୍କର ନାମ ଘୋଷଣା କରିଛନ୍ତି ଦଳୀୟ ମୁଖ୍ୟ ନିଶିକାନ୍ତ ମହାପାତ୍ର ! ପ୍ରାର୍ଥୀ ଭାବରେ ମନୋନୀତ ହୋଇଥିବା ବହୁ କାର୍ଯ୍ୟକର୍ତ୍ତା ରାଜ୍ୟ କାର୍ଯ୍ୟାଳୟରେ ପହଞ୍ଚି ଦଳୀୟ ରଣନୀତି ନେଇ ଆଲୋଚନା କରିଥିଲେ ! ରାଜ୍ୟରେ ଦୀର୍ଘ ଦିନ ଧରି କ୍ଷମତାରେ ଥିବା ବିଜେଡି ଏବଂ ତାର ଅଘୋଷିତ ସହଯୋଗୀ ବିଜେପି କୁ ଟାର୍ଗେଟ କରିଛି ଦଳ ! ଆମ ଆଦମୀ ପାର୍ଟିର ଶିକ୍ଷା , ସ୍ୱାସ୍ଥ୍ୟ , ବିଜୁଳି , ବେରୋଜଗାର ସମସ୍ୟାର ସମାଧାନ କୁ ମୁଖ୍ୟ ମୁଦା କରି ଦଳ ଏଥର ଭୋଟ ମାଗିବ ବୋଲି କହିଛନ୍ତି ଓଡିଶା ମୁଖ୍ୟ ନିଶିକାନ୍ତ ମହାପାତ୍ର ! ଜାତୀୟ ସ୍ତରରେ ହୋଇଥିବା ମେଣ୍ଟ କାରଣରୁ ଓଡ଼ିଶାରେ ଲୋକସଭା ଆସନ ପାଇଁ ଦଳ ପ୍ରାର୍ଥୀ ଦେଇନାହିଁ ! ଭୁବନେଶ୍ୱର ଉତ୍ତର ନିର୍ବାଚନ ମଣ୍ଡଳୀ ପାଇଁ ଦକ୍ଷ ସଂଗଠକ ତଥା ଯୁବନେତା ସୋମନାଥ ରାଉତଙ୍କୁ ପ୍ରାର୍ଥୀ କରାଯାଇଥିବା ବେଳେ , ପ୍ରଥମ ଦିନରେ ଦୁଇ ପୂର୍ବତନ ବିଧାୟକ ପ୍ରିୟଦର୍ଶୀ ମିଶ୍ର ଏବଂ ସୁଶାନ୍ତ ରାଉତଙ୍କୁ ଟାର୍ଗେଟ କରିଛନ୍ତି ସୋମନାଥ !
