ବଡମ୍ବା ( ଆୱାଜ ମିଡ଼ିଆ ) – ପ୍ରତାପ ନାୟକ : କଟକ ଜିଲ୍ଲା ବଡ଼ମ୍ବା ବ୍ଳକ୍ କୋଲେଶ୍ୱର ପଞ୍ଚାୟତ ସୁନାପାଳ ଗ୍ରାମରେ ଘଟିଛି ଅଘଟଣ ! ଛବି ରଣା ଙ୍କ ପରିବାର ଉପରେ ଏଭଳି ବିପଦ ଆସିଲା ଯାହା ସେ କେବେ କଳ୍ପନା କରିନଥିଲେ । ଦିନ ଦୁଇ ଘଣ୍ଟିକା ସମୟରେ ଆକାଶ ରେ କଳାହାଣ୍ଡିଆ ମେଘ ପବନ ଘଡଘଡି ମାଡ଼ି ଆସିଲା । କାଳ ବୈଶାଖୀ କୁ ଦେଖି ଘର ଭିତରକୁ ଚାଲି ଗଲେ ରାଜୁ ରଣା । ଘରେ ଥିବା ସମୟରେ ଘର ଉପରକୁ ହଠାତ ଘଡଘଡି ମାରିଥିଲା । ଘଡଘଡି ଏତେ ପ୍ରଚଣ୍ଡ ଥିଲା ରେ ରାଜୁ ଙ୍କ ଘର ର ଆଜବେଷ୍ଟସ ଭାଙ୍ଗି ଉଡ଼ି ଯାଇଥିଲା । ଭଙ୍ଗା ଆଜବେଷ୍ଟସ ଖଣ୍ଡ ତାଙ୍କ ମୁଣ୍ଡରେ ପଡିଥିଲା । ଜ୍ଞାନ ଶୂନ୍ୟ ହେଲେ ରାଜୁ , ଘରର ଆସବା ପତ୍ର ଭାଙ୍ଗି ରୁଜି ନଷ୍ଟ ହେଇଯାଇଥିଲା । ଭଗବାନ ସିନା ରାଜୁଙ୍କୁ ବଂଚାଇ ଦେଲେ ହେଲେ ସେ କଥା ମନେ ପଡିଲେ ଭୟଭୀତ ହୋଇପଡନ୍ତି ରାଜୁ । କାଳ ବୈଶାଖୀ ଯିବା ପରେ ସ୍ଥାନୀୟ ବ୍ଳକ୍ ବିଜେଡି ସଭାପତି ରବୀନ୍ଦ୍ର ସାହୁ, ବଡମ୍ବା ବ୍ଳକ୍ ଚେୟାରମ୍ୟାନ ରଘୁପତି ମହାନ୍ତି ପହଞ୍ଚି କ୍ଷତି ଗ୍ରସ୍ତ ପରିବାରକୁ ଭେଟି ସମବେଦନା ଜଣାଇଥିଲେ । ସରକାର ଙ୍କ ତରଫରୁ ଯାହା ଆବଶ୍ୟକ ସୁବିଧା ସୁଯୋଗ ତୁରନ୍ତ ଯୋଗାଇ ଦେବା ପାଇଁ କର୍ତୃପକ୍ଷ ଙ୍କ ସହ ଆଲୋଚନା କରିଥିଲେ ।
