ବାଲୁଗାଁ ( ଆୱାଜ ମିଡ଼ିଆ ) – ରାକେଶ ସାହୁ : କେନ୍ଦ୍ରୀୟ ମଧ୍ୟମିକ ଶିକ୍ଷା ପରିଷଦ ପରିଚାଳିତ ଦଶମ ଶ୍ରେଣୀ ପରୀକ୍ଷାରେ ଚିଲିକା ରାଣୀ ଇଂରାଜୀ ମାଧ୍ୟମିକ ବିଦ୍ୟାଳୟ ବାଲୁଗାଁ ର ପାସ ହାର ପଞ୍ଚାନବେ ପ୍ରତିଶତ (୯୫%) ହୋଇଥିବା ବେଳେ ପାୟଲ ପ୍ରଧାନ ୯୬% ମାର୍କ ରଖି ବିଦ୍ୟାଳୟରେ ପ୍ରଥମ ସ୍ଥାନ ଅଧିକାର କରିଛନ୍ତି l ଦିବ୍ୟାଙ୍କ ସାମନ୍ତରାୟ ୯୩.୬% ମାର୍କ ରଖି ଦ୍ୱିତୀୟ ସ୍ଥାନ ଅଧିକାର କରିଛନ୍ତି l ଅତୁଲ୍ୟ ବଳିୟାରସିଂହ ୯୩.୨% ମାର୍କ ରଖି ତୃତୀୟ ସ୍ଥାନ ଅଧିକାର କରିଛନ୍ତି l ସୁମିତ ଅଧିକାରୀ ୯୩%, ଅମ୍ଲାନ ଗୌରବ ଜେନା ୯୦.୨%, ଶ୍ରେୟ ମଣ୍ଡଳ ୯୦.୨% ମାର୍କ ରଖିଥିବାର ଶିକ୍ଷା ଅନୁଷ୍ଠାନ ତରଫରୁ ସୂଚନା ମିଳିଛି l ଏହି ଛାତ୍ର ଛାତ୍ରୀ ମାନେ ବାଲୁଗାଁ ଅଞ୍ଚଳର ଗୌରବ ବଢାଇବା ସହିତ ଚିଲିକା ରାଣୀ ଇଂରାଜୀ ମାଧ୍ୟମିକ ବିଦ୍ୟାଳୟର ଟେକ ରଖିଛନ୍ତି l
