ଭୁବନେଶ୍ୱର ( ଆୱାଜ ମିଡ଼ିଆ ) – ଶାଶ୍ଵତୀ ନାୟକ : ସାମ୍ବାଦିକ ସୁରକ୍ଷା ପାଇଁ ବିଭିନ୍ନ ସମୟରେ ହେଉଛି ଆନ୍ଦୋଳନ ! ସୁରକ୍ଷା ଆଇନ ତ ଆସୁନାହିଁ , ବରଂ ରାଜ୍ୟରେ ବଢି ଚାଲିଛି ଗଣମାଧ୍ୟମ ଉପରେ ଆକ୍ରମଣ ! ଏପରି ଏକ ଘଟଣା ସାମନାକୁ ଆସିଛି ଯାଜପୁର ଜିଲ୍ଲାରୁ ! ମାମଲା ରୁଜୁ କରି ହାତ ବାନ୍ଧି ବସି ରହିଛି ଧର୍ମଶାଳା ପୁଲିସ ! ଥାନାରେ ଅଭିଯୋଗ କରିବାର ବିତି ଗଲାଣି ଏକ ମାସରୁ ଅଧିକ ସମୟ , ହେଲେ କେବଳ ମାମଲା ରୁଜୁ କରି ହାତ ବାନ୍ଧି ବସି ରହିଛି ପୁଲିସ ! ଧର୍ମଶାଳା ଥାନା ଅଧିକାରୀଙ୍କ ଏପରି ଟାଳଟୁଳ ନୀତିକୁ ବିରୋଧ କରି ରାଜ୍ୟ ମହିଳା କମିଶନର ଙ୍କୁ ଭେଟିଲେ ଆକ୍ରମଣରେ ଆହତ ଙ୍କ ପତ୍ନୀ ସସ୍ମିତା ଖୁଣ୍ଟିଆ !
ଜଣେ କାର୍ଯ୍ୟରତ ସାମ୍ବାଦିକ ଙ୍କୁ ଏପରି ମରଣାନ୍ତକ ଆକ୍ରମଣ ଘଟଣାରେ ଓଡିଶା ଡିଜିଟାଲ ମିଡ଼ିଆ ମହାସଂଘ ପ୍ରତିକ୍ରିୟା ପ୍ରକାଶ କରିବା ସହିତ , ଅଭିଯୋଗକାରିଣୀ ଙ୍କ ସହିତ ରାଜ୍ୟ ମହିଳା କମିଶନର ଙ୍କୁ ଭେଟିଥିଲେ ! ରାଜ୍ୟ ଡିଜିଟାଲ ମିଡ଼ିଆ ମହାସଂଘର କାର୍ଯ୍ୟକାରୀ ସଭାପତି ଅକ୍ଷୟ ଚାନ୍ଦ , ସାଧାରଣ ସମ୍ପାଦକ କାହ୍ନା ନାୟକ , ରାଜ୍ୟ ମିଡ଼ିଆ ସଂଯୋଜକ ସତ୍ୟବ୍ରତ ଦାଶ , ପରିଚାଳନା କମିଟି ସଦସ୍ୟ ବର୍ଷା ଦାଶ , ରାହୁଲ ସ୍ୱାଇଁ , ଚଗଲା ବାଗ , ଅଶ୍ରୁମୋଚନ ନାୟକ , ବସନ୍ତ ପ୍ରଧାନ ପ୍ରମୂଖ ଆହତ ସାମ୍ବାଦିକ ଏବଂ ତାଙ୍କ ପତ୍ନୀ ଙ୍କ ସହିତ ମହିଳା କମିଶନର ଙ୍କୁ ଭେଟିବା ସହିତ ଖୁବ ଶୀଘ୍ର ଧର୍ମଶାଳା ଥାନା ଗସ୍ତ କରି ତଦନ୍ତ ର ଅଗ୍ରଗତି ସମ୍ପର୍କରେ ଆଲୋଚନା କରିବେ ବୋଲି ସୂଚନା ମିଳିଛି !
