ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦାଗଡରେ ଘୋଷଯାତ୍ରା ଅନୁଷ୍ଠିତ ହୋଇ ସ୍ଥାନୀୟ ଶ୍ରଦ୍ଧାଳୁଙ୍କ ଦ୍ଵାରା ରଥଯାତ୍ରା ମହା ଆଡ଼ମ୍ବରରେ ଅନୁଷ୍ଠିତ ହୋଇଥିଲା । ପରେ ବହୁ ଶ୍ରଦ୍ଧାଳୁ ଚତୁ୍ଦ୍ଧାମୂର୍ତ୍ତିଙ୍କ ରଥକୁ ନେଇ ସୁକିନ୍ଦା ଗଡ ସ୍ଥିତ ମାଉସୀ ମା ମନ୍ଦିର ନିକଟରେ ପହଞ୍ଚିବା ପରେ ସ୍ଥାନୀୟ ବ୍ରାହ୍ମଣ ସମାଜ ମଧ୍ୟରେ କିଛି ସମସ୍ୟାକୁ କେନ୍ଦ୍ର କରି ମହାପ୍ରଭୁଙ୍କ ନୀତି କାର୍ଯ୍ୟ ବିଳମ୍ବିତ ହୋଇଥିଲା । ଏନେଇ ପରେ ସୋମବାର ରାତି 1 ଘଟିକା ସମୟରେ ବଡପଣ୍ଡା ବ୍ରାହ୍ମଣ ସମାଜ ମାନଙ୍କ ସହାୟତାରେ ଚତୁ୍ଦ୍ଧାମୂର୍ତ୍ତିଙ୍କୁ ମାଉସୀ ମା ମନ୍ଦିରକୁ ପହଣ୍ଡି କରି ନିଆଯିବା ପରେ ରଥ ଖଳା ଠାରେ ବ୍ରାହ୍ମଣ ସମାଜ ଓ ବଡ଼ ପଣ୍ଡାଘର ବ୍ରାହ୍ମଣ ପରିବାର ମଧ୍ୟରେ ଭୟଙ୍କର ଗଣ୍ଡଗୋଳ ସୃଷ୍ଟି ହୋଇଥିଲା । ଏନେଇ ସୁକିନ୍ଦାଗଡ ବ୍ରାହ୍ମଣ ସମାଜ ପକ୍ଷରୁ ସୋମବାର ରାତି 2 ଘଟିକା ସମୟରେ ସୁକିନ୍ଦା ଥାନା ଦ୍ୱାରସ୍ଥ ହୋଇ ଲିଖିତ ଅଭିଯୋଗ କରିଥିବା ଦେଖିବାକୁ ମିଳିଛି । ସୁକିନ୍ଦା ପୋଲିସ ଲିଖିତ ଅଭିଯୋଗକୁ ଭିତ୍ତିକରି ଘଟଣାର ତଦନ୍ତ ଆରମ୍ଭ କରିଛି ।
