ଭୁବନେଶ୍ୱର ( ଆୱାଜ ମିଡ଼ିଆ ) – ଶାଶ୍ଵତୀ ନାୟକ : ସର୍ଭିସ ଏବଭ ସେଲ୍ଫ ! ଏପରି ସୁନ୍ଦର ମଟୋ କୁ ଆଧାର କରି ସାମାଜିକ କାମ ଜାରି ରଖିଛି ବିଶ୍ବ ର ସର୍ବ ବୃହତ ସଂଗଠନ ରୋଟାରୀ ଗୃପ ! ସ୍ୱାଧୀନତା ଦିବସ ପାଳନ ଅବସରରେ ରୋଟାରୀ କ୍ଲବ ଅଫ ଭୁବନେଶ୍ୱର କରିଛି ନିଆରା କାମ ! ରାଜଧାନୀ ରୋଟାରୀ ଭବନରେ ଜାତୀୟ ପତାକା ଉତ୍ତୋଳନ ଏବଂ ହର ଘର ତ୍ରିରଙ୍ଗା ଅଭିଯାନ ପଦଯାତ୍ରା ପରେ ରୋଟାରୀଆନ ମାନେ ଯାଇ ପହଂଚିଥିଲେ ରାଜଧାନୀ ଉପକଣ୍ଠ ଜାମୁଝରୀ ମୁକ୍ତାକାଶ ଆଶ୍ରମରେ ! ସରକାରୀ କାଗଜପତ୍ରରେ ଏହା କାରାଗାର ହୋଇଥିଲେବି , ଭିତିଭୂମି ଏବଂ କାର୍ଯ୍ୟଶୈଳୀ ଦୃଷ୍ଟିରୁ ଏହା ଏକ ସଂସ୍କାର କେନ୍ଦ୍ର ! ଅନ୍ତେବାସୀ ମାନଙ୍କ ସହିତ ଆନନ୍ଦ ଉଲ୍ଲାସର ସହ ସ୍ୱାଧୀନତା ଦିବସ ପାଳନ କଲେ ରୋଟାରୀ କ୍ଲବ ଅଫ ଭୁବନେଶ୍ୱର ର ସଦସ୍ୟ ! ଏହି ଅବସରରେ ମୁକ୍ତାକାଶ ଆଶ୍ରମର ଅଧିକାରୀ ଏବଂ ରୋଟାରୀ କ୍ଲବ ଅଫ ଭୁବନେଶ୍ୱର ର ବରିଷ୍ଠ ସଦସ୍ୟ ମାନେ ଅନ୍ତେବାସୀ ମାନଙ୍କୁ ବିଭିନ୍ନ ଆବଶ୍ୟକୀୟ ଉପକରଣ ପ୍ରଦାନ କରିଥିଲେ !
