ବାଣପୁର ନୀଳାଦ୍ରି ଜଙ୍ଗଲରେ ମହାବଳ ବାଘ ବୁଲୁଥିବା ଘଟଣା ସମ୍ପୂର୍ଣ୍ଣ ମିଥ୍ୟା – ବନ ବିଭାଗ ଅଧିକାରୀ !!!

ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : କିଛି ଦିନ ଧରି ବିଭିନ୍ନ ସାମାଜିକ ଗଣମାଧ୍ୟମ ରେ ବରବରା ଜଙ୍ଗଲ ରେ ଏକ ମହାବଳ ବାଘ ବୁଲୁ ଥିବାର ବହୁଳ ପ୍ରସାରିତ ଭିଡ଼ିଓ ବାଣପୁର ରେ ଚାଞ୍ଚଲ୍ୟ ଖେଳାଇ ଦେଇଥିବା ବେଳେ ଗତ ୨ ତାରିଖରେ ବାଣପୁର ବ୍ଲକ ନୀଳାଦ୍ରି ପ୍ରସାଦ ପଞ୍ଚାୟତରେ ବାଘ ଟି ଗୋଟିଏ ଛେଳିକୁ ମାରି ଖାଇ ଦେବା ଘଟଣା ସୋସିଆଲ ମିଡ଼ିଆରେ ଭାଇରାଲ ହୋଇଥିଲା । ଯାହା ଫଳରେ ବରବରା ଜଙ୍ଗଲ ମଧ୍ୟରେ ଥିବା ଦୁଇଟି ପଞ୍ଚାୟତ ର ଜନ ସାଧାରଣଙ୍କ ମଧ୍ୟରେ ଭୟ ସଂଚାର ହୋଇ ସେମାନେ ଏହି ଅଞ୍ଚଳ ରେ ଚଳ ପ୍ରଚଳ କରିବାକୁ ଶଙ୍କା ବୋଧ କରୁଥିଲେ । ଏ ସମ୍ପର୍କ ରେ ଭାଇରାଲ ଖବର ଓ ଭିଡିଓ କୁ ନେଇ ଆମ ପ୍ରତିନିଧି ନୀଳାଦ୍ରି ପ୍ରସାଦ ସରପଞ୍ଚ ଉମାକାନ୍ତ ସାହୁ ଙ୍କୁ ପ୍ରଶ୍ନ କରିବାରେ ସେ ଏ  ଘଟଣା ସମ୍ପୂର୍ଣ୍ଣ ମନଗଢ଼ା ଓ ଉଡ଼ା ଖବର ବୋଲି ପ୍ରକାଶ କରିଥିବା ବେଳେ ଭିଡ଼ିଓ ରେ ଯେଉଁ ସ୍ଥାନରେ ବାଘଟି ଚଳାଚଳ କରୁଥିବା ବିଶେଷ କରି ଏକ ବ୍ରିଜ ଉପରେ ଚଳ ପ୍ରଚଳ କରୁଥିବା ସ୍ଥାନ ନୀଳାଦ୍ରି ଜଙ୍ଗଲରେ ନଥିବା କହିଛନ୍ତି । ଗତ ୧୨ ବର୍ଷ ଧରି ନୀଳାଦ୍ରି କିମ୍ବା ବରବରା ଜଙ୍ଗଲରେ କୌଣସି ପ୍ରକାରର ବାଘ ନଥିବା ବନ ବିଭାଗ ସ୍ପଷ୍ଟ କରିଛି । ଏପରି ମିଥ୍ୟ ଖବର କରୁଥିବା ବ୍ୟକ୍ତି ବିଶେଷ ନିଜ ସ୍ୱାର୍ଥ କିମ୍ବା ମୂଲ୍ୟବାନ କାଠ କାଟି ଲୁଟିବା ଉଦେଶ୍ୟରେ ପ୍ରସାର କରୁଥିବା ବନ ବିଭାଗ ଅଧିକାରୀ ପ୍ରତାପ କୁମାର ମହାନ୍ତି କହିଛନ୍ତି । ତେବେ ଏହି ମିଥ୍ୟା ଘଟଣାକୁ ବିଶ୍ୱାସ ନକରି ଆତଙ୍କିତ ନହେବା ସହିତ ସର୍ବ ସାଧାରଣ ଏହି ମିଛ ଭାଇରାଲ ଠାରୁ ଦୁରେଇ ରୁହନ୍ତୁ ବୋଲି ବନବିଭାଗ ପକ୍ଷରୁ ଜନସାଧାରଣ ଙ୍କୁ ଅନୁରୋଧ କରିଛି ।।