ବଡମ୍ବା ( ଆୱାଜ ମିଡ଼ିଆ ) – ପ୍ରତାପ ନାୟକ : କଟକ ଜିଲ୍ଲାରେ ଓଡିଶା ଡିଜିଟାଲ ମିଡ଼ିଆ ମହାସଂଘର ଚତୁର୍ଥ ପ୍ରସ୍ତୁତି ବୈଠକ ! ଡିଜିଟାଲ ମିଡ଼ିଆ ସାମ୍ବାଦିକ ମାନଙ୍କର ସମ୍ମାନ ସୁରକ୍ଷା ଏବଂ ଅଧିକାର ର ଦାବୀ କରି କାର୍ଯ୍ୟକ୍ରମ ଆରମ୍ଭ କରିଛି ଓଡିଶା ଡିଜିଟାଲ ମିଡ଼ିଆ ମହାସଂଘ ! କଟକ ଜିଲ୍ଲାରେ ଆରମ୍ଭ ହୋଇଥିବା ବ୍ଲକ ସ୍ତରୀୟ ସାଙ୍ଗଠନିକ ବୈଠକରେ ବ୍ଲକ କମିଟି ଗଠନ ସହିତ ଆଗାମୀ ଦିନ ପାଇଁ ପ୍ରସ୍ତୁତ ହେଉଛି ବ୍ଲୁ ପ୍ରିଣ୍ଟ ! କଟକ ଜିଲ୍ଲାର ବାଙ୍କୀ , କଟକ ସଦର ମହକୁମା ଏବଂ ସାଲେପୁର ରେ ବୈଠକ ଆୟୋଜନ ପରେ ଆଜି ଚତୁର୍ଥ ପର୍ଯ୍ୟାୟ ବୈଠକ ବଡମ୍ବା ରତାପାଟ କଲ୍ୟାଣମଣ୍ଡପରେ ଆୟୋଜିତ ହୋଇଥିଲା ! ରାଜ୍ୟ କମିଟି ସଂଗଠନ ସମ୍ପାଦକ ଅକ୍ଷୟ ଚାନ୍ଦ ଙ୍କ ଅଧ୍ୟକ୍ଷତାରେ ଆୟୋଜିତ ବୈଠକ କୁ ବରିଷ୍ଠ ସାମ୍ବାଦିକ ଦେବଦତ୍ତ ମଳୟ ବରାଳ ସଂଯୋଜନା କରିଥିଲେ ! ଡିଜିଟାଲ ମିଡ଼ିଆ ମହାସଂଘର ଲକ୍ଷ୍ୟ ଏବଂ ଆଗାମୀ କାର୍ଯ୍ୟପନ୍ଥା ଉପରେ ସମସ୍ତ ସୂଚନା ପ୍ରଦାନ କରିଥିଲେ ରାଜ୍ୟ ସଭାପତି ସତ୍ୟବ୍ରତ ଦାଶ ! କଟକ ଜିଲ୍ଲା ର ବଡମ୍ବା ଏବଂ ନରସିଂହପୁର ଅଞ୍ଚଳରେ କାର୍ଯ୍ୟରତ ସମସ୍ତ ଡିଜିଟାଲ ମିଡ଼ିଆ ସାମ୍ବାଦିକ ମାନଙ୍କୁ ନେଇ ଗଠିତ ୟୁନିୟନ ର ସଭାପତି , ସମ୍ପାଦକ ଏବଂ ଅନ୍ୟ କର୍ମକର୍ତ୍ତା ଚୟନ ହୋଇଥିଲା ! ଆସନ୍ତା ରବିବାର ଦିନ ବାରଂଗ , ଆଠଗଡ ଏବଂ ତିଗିରିଆ ବ୍ଲକ ର ସାଙ୍ଗଠନିକ ଏକତ୍ରୀକରଣ ତଥା ଅନ୍ତିମ ପ୍ରସ୍ତୁତି ବୈଠକ ପରେ କଟକ ଜିଲ୍ଲା ଶାଖା ଜିଲ୍ଲପାଳଙ୍କ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ ସହିତ ଦାବୀପତ୍ର ପ୍ରଦାନ କରିବ ବୋଲି ସୂଚନା ଦେଇଛନ୍ତି ରାଜ୍ୟ କମିଟି ସଦସ୍ୟ !
