ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ମୋହନ ଡ୍ରେସ୍ ହାଉସରୁ ଚୋରୀ ଘଟଣାରେ ଯୁବକ ଗିରଫ ! ସୁକିନ୍ଦା ଛକରେ ଥିବା ମୋହନ ଡ୍ରେସ୍ ହାଉସରୁ ଚୋରୀ କରିଥିବା ଅଭିଯୋଗରେ ପୋଲିସ କାମାକ୍ଷାନଗର ଅଞ୍ଚଳର ଖଗେଶ୍ବର ଦେହୁରୀଙ୍କ ପୁଅ ପର୍ଶୁରାମ ଦେହୁରୀ ନାମକ ଯୁବକକୁ ଗିରଫ କରି କୋର୍ଟ ଚାଲାଣ କରିଛି । ଗତ ଗୁରୁବାର ବିଳମ୍ବିତ ରାତିରେ ଜଣେ ଯୁବକ ସୁକିନ୍ଦା ଛକରେ ଥିବା ମୋହନ ଡ୍ରେସ ଦୋକାନରୁ ଚୋରି କରୁଥିବା ଖବର ପାଇ ଦୋକାନ ମାଲିକ ମନୋଜ ପାଣିଗ୍ରାହୀ ତୁରନ୍ତ ଦୋକାନରେ ପହଞ୍ଚିଥିଲେ । ମନୋଜ ପହଞ୍ଚିବା ପୂର୍ବରୁ ଲୁଟେରା ଘଟଣାସ୍ଥଳରୁ ଫେରାର ହୋଇଯାଇଥିଲା । ମନୋଜ ଓ ରାତ୍ରକାଳୀନ ଡ୍ୟୁଟି କରୁଥିବା ହୋମ ଗାର୍ଡ ଅନେକ ଖୋଜାଖୋଜି କରିବା ପରେ ସଂପୃକ୍ତ ଯୁବକକୁ ଲୁଟ୍ ଜିନିଷପତ୍ର ସହ ଧରି ସୁକିନ୍ଦା ଥାନାରେ ଜିମା ଦେଇ ଲିଖିତ ଅଭିଯୋଗ କରିଥିଲେ । ଏ ସଂକ୍ରାନ୍ତରେ ପୋଲିସ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରିଛି ।
