ବାଣପୁର ( ଆୱାଜ ମିଡ଼ିଆ ) – ରାକେଶ ସାହୁ : ଖୋର୍ଦ୍ଧା ଜିଲ୍ଲା ବାଣପୁର ବିଜ୍ଞାପିତ ଅଞ୍ଚଳ ପରିଷଦ ଅଧିନସ୍ଥ ଗ୍ରାମୀଣ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଦୁଇ ଦିନିଆ ବାର୍ଷିକ କ୍ରୀଡ଼ା ଉତ୍ସବ ଉଦଘାଟିତ ହୋଇଯାଇଛି । ପ୍ରଥମ ଦିବସରେ ବାଣପୁର ର ଅଧିଷ୍ଠାତ୍ରୀ ଦେବୀ ମା ଭଗବତୀ ଙ୍କ ମନ୍ଦିରରୁ ମହା ବିଦ୍ୟାଳୟ ର ସମସ୍ତ ଅଧ୍ୟାପକ ଅଧ୍ୟାପିକା ଓ ଛାତ୍ରୀ ମାନଙ୍କ ସହ ବିଜ୍ଞାପିତ ଅଞ୍ଚଳ ପରିଷଦ ଅଧ୍ୟକ୍ଷ ମିଟୁ ନାୟକ ମସାଲ ଶୋଭାଯାତ୍ରା ସାମିଲ ହୋଇ ବିଦ୍ୟାଳୟର ଠାରେ ପହଞ୍ଚି ଆନୁଷ୍ଠାନିକ ରୂପେ ଉଦଘାଟନ କରିବା ସହ ପତାକା ଉତଳନ କରି ଉକ୍ତ କ୍ରୀଡା ଉତ୍ସବ କୁ ଶୁଭାରମ୍ଭ କରିଥିଲେ । ପ୍ରଥମ ଦିନରେ ଲଙ୍ଗଜମ୍ପ, ଦୌଡ, ସଟପୁଟ୍ ଆଦି ଖେଳ ପ୍ରତିଯୋଗିତା ହୋଇଥିଲା । ଗ୍ରାମୀଣ ମହିଳା ବିଦ୍ୟାଳୟ ଅଧ୍ୟକ୍ଷ ସର୍ବେଶ୍ଵର ଷଡ଼ଙ୍ଗୀ,କ୍ରୀଡା ଶିକ୍ଷକ ବିଭୁଦେନ୍ଧୁ ମାନସିଂହ, ଅଧ୍ୟାପିକା କଲ୍ୟାଣୀ ବୈରି ଗଞ୍ଜନ, ଅଧ୍ୟାପକ ପ୍ରଶାନ୍ତ କୁମାର ଦାଶ ପ୍ରମୁଖ ଉପସ୍ଥିତ ଥିଲେ । ଉକ୍ତ କ୍ରୀଡା ଉତ୍ସବ କୁ ସୁନିଲ କୁମାର ପଟ୍ଟନାୟକ, କଳ୍ପଶ୍ରୀ ପ୍ରଧାନ, ନୀତିଶ କୁମାର ରାଉତ ଓ ସିଦ୍ଧାନ୍ତ କୁମାର ସ୍ବାଇଁ ପରିଚାଳନା କରିଥିବା ବେଳେ ବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା ଓ ସମସ୍ତ କର୍ମକର୍ତ୍ତା କ୍ରୀଡ଼ା ପରିଚାଳନା ରେ ସହଯୋଗ କରିଥିଲେ । ବିଦ୍ୟାଳୟର ଛାତ୍ରୀ ମାନେ କ୍ରୀଡ଼ା ପ୍ରତିଯୋଗିତା ରେ ଅଂଶ ଗ୍ରହଣ କରିଥିଲେ ।
