ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବିବେକାନନ୍ଦ ଜୟନ୍ତୀ ଅବସରରେ ବାଙ୍କୀ ବିବେକାନନ୍ଦ ପବ୍ଲିକ ସ୍କୁଲରେ ଆୟୋଜିତ ହୋଇଯାଇଛି ବାର୍ଷିକ ଉତ୍ସବ । ଏଥିରେ ମୂଖ୍ୟ ଅତିଥି ଭାବରେ ବିଧାୟକ ଦେବୀ ରଞ୍ଜନ ତ୍ରିପାଠୀ ଯୋଗ ଦେଇଥିଲେ । ସମ୍ମାନିତ ଅତିଥି ଭାବେ ଡାକ୍ତର ରାମଚନ୍ଦ୍ର ରାଉତ ଏବଂ କେନ୍ଦ୍ର ବାଙ୍କୀ ର ଜିଲ୍ଲା ପରିଷଦ ସଭ୍ୟ ମୀନତି ମହାପାତ୍ର, ବାଙ୍କୀ ଏନ୍ଏସି ଅଧ୍ୟକ୍ଷା ମାଣିକ ସାହୁ ପ୍ରମୁଖ ଯୋଗ ଦେଇଥିଲେ । ବିଦ୍ୟାଳୟ ର ସମ୍ପାଦକ ସନ୍ତୋଷ କୁମାର ରଣା ସ୍ୱାଗତ ଭାଷଣ ପ୍ରଦାନ କରିଥିଲେ ଏବଂ ପ୍ରଧ୍ୟାପିକା ସୁରୋଜିତା ପଣ୍ଡା ବାର୍ଷିକ ବିବରଣୀ ପ୍ରଦାନ କରିଥିଲେ । ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା , ଏଥିରେ ଓଡ଼ିଶାର ଘରେ ଘରେ ପରିଚିତ ନଟିଆ କମେଡିଆନ୍ ପିଲା ମାନଙ୍କ ମନୋରଞ୍ଜନ କରିଥିଲେ । ବିଭିନ୍ନ କୃତି ଛାତ୍ର ଛାତ୍ରୀ ମାନଙ୍କୁ ପୁରଷ୍କାର ବିତରଣ କରାଯାଇଥିଲା । ବିଦ୍ୟାଳୟ ର ପ୍ରିନ୍ସପାଲ୍ ପ୍ରିତି ମଞରୀ ସାହୁ , ବିଦ୍ୟାଳୟ ର ସଭାପତି ଶରତଚନ୍ଦ୍ର ମହାପାତ୍ର ଅନ୍ୟ ସଭ୍ୟ ମାନଙ୍କ ମଧ୍ୟରେ ପ୍ରତାପ ଚନ୍ଦ୍ର ମହାପାତ୍ର, ପ୍ରଶାନ୍ତ କୁମାର ମହାପାତ୍ର ଓ ସତ୍ୟନାରାୟଣ ସାହୁ ପ୍ରମୁଖ କାର୍ଯ୍ୟ ନିର୍ବାହ ସୂଚାରୁ ରୂପେ କରିଥିଲେ ।
