ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ୫୭ ନମ୍ବର ଜାତୀୟ ରାଜପଥ ରେ ମର୍ମନ୍ତୁଦ ସଡକ ଦୁର୍ଘଟଣା । ଦୁର୍ଘଟଣା ରେ ଜଣଙ୍କର ମୃତ୍ୟୁ । ଘଟଣାରୁ ପ୍ରକାଶ ଯେ , ନୟାଗଡ଼ ପୁରୁଣା ସହର ଜଗନ୍ନାଥ ମନ୍ଦିର ସାହିର ସଂସାରି ମହାରଣା ସ୍କୁଟି ରେ ପରିବା କିଣିବା ପାଇଁ ବଜାର କୁ ଆସୁଥିବା ବେଳେ ଦଶପଲ୍ଲା ରୁ ନୟାଗଡ଼ ଆସୁଥିବା ଏକ ଟ୍ରକ ସ୍କୁଟି କୁ ଧକା ଦେଇଥିଲା । ଘଟଣାସ୍ଥଳରେ ସ୍କୁଟି ଚାଳକ ସଂସାରି ଙ୍କର ମୃତ୍ୟୁ ହୋଇଯାଇଛି । ଟାଉନଥାନା ପୋଲିସ ଟ୍ରକ ଡ଼୍ରାଇଭରକୁ ଅଟକ ରଖିବା ସହ ସ୍କୁଟି ଏବଂ ଟ୍ରକ କୁ ଜବତ କରିଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ଶବ ହସ୍ତାନ୍ତର କରାଯାଇଥିବା ଜଣାପଡ଼ିଛି । ତେବେ ଦ୍ରୁତଗାମୀ ଟ୍ରକ ଧକ୍କାରେ ସ୍କୁଟି ଚାଳକଙ୍କ ମୃତ୍ୟୁ ପରେ ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା ।
