କନ୍ଧମାଳ ( ଆୱାଜ଼ ମିଡ଼ିଆ ) – ସଞ୍ଜୟ କୁମାର ପାଣିଗ୍ରାହୀ : କନ୍ଧମାଳ ଜିଲ୍ଲା ବାଲିଗୁଡ଼ା ଅବକାରୀ ବିଭାଗ ପାଟ୍ରୋଲିଂ କରୁଥିବା ସମୟରେ କୌଣସି ସୂତ୍ରରୁ ବୁଡାଗୁଡା ରୁ ବାଲିଗୁଡ଼ାକୁ ମହୁଲ ଚୋରା ଚାଲାଣ ହେଉଥିବା ସମ୍ପର୍କରେ ଖବର ପାଇଥିଲା . ଟାଟା ୪୦୭ ଗାଡି ନଂ ଓଆର -୧୨-୨୫୮୬ କୁ ବାଦକେତା ଠାରେ ଅଟକାଇ ତନଖି କରିବା ସମୟରେ ଗାଡ଼ିରେ ମୋଟ ୫୨ ବସ୍ତା ମହୁଲ ଥିବାର ଦେଖା ଯାଇଥିଲା . ଯାହାର ଓଜନ ୧୫ କୁଇଣ୍ଟାଲ ୬୦ କେଜି ହେବ ବୋଲି ଜଣାପଡିଛି |
ଗାଡି ସହିତ ମହୁଲ ଜବତ କରା ଯାଇଥିବା ସମୟରେ ଡ୍ରାଇଭର ଆଶାଦୀପ ପରିଛାକୁ ଗିରଫ କରାଯାଇଛି | ଜବତ ହୋଇଥିବା ମହୁଲ ର ଆନୁମାନିକ ମୂଲ୍ୟ ୫୦,୦୦୦ ରୁ ଉର୍ଦ୍ଧ୍ବ ହେବ ବୋଲି ଆକଳନ କରାଯାଇଛି l ଏ ନେଇ କେଶ ନଂ ୩ / ୨୨ ରେ ଏକ ମାମଲା ରୁଜୁ କରି ଡ୍ରାଇଭରକୁ କୋର୍ଟ ଚାଲାଣ କରାଯାଇ ଥିବା ବିଷୟ ଅବକାରି ବିଭାଗ ର ଅଧିକାରୀ ପୂର୍ଣ୍ଣଚନ୍ଦ୍ର ବେହେରା ପ୍ରକାଶ କରିଛନ୍ତି |
