ଯାଜପୁର ( ଆୱାଜ ମିଡ଼ିଆ ) – ବ୍ୟୁରୋ ରିପୋର୍ଟ : ସମଗ୍ର ବିଶ୍ୱକୁ କରୋନାମୁକ୍ତ କରିବା ପାଇଁ ପ୍ରୟାସ ଜାରି ରହିଥିବା ସମୟରେ , ଏହି କାର୍ଯ୍ୟରେ ଅଗ୍ରଣୀ ଭୂମିକା ତୁଳାଉଛି ଯାଜପୁର ଜିଲ୍ଲାର ବାବଲପୁରସ୍ଥିତ ଚିନ୍ମୟ ଫାଉଣ୍ଡେସନ । ଅଦ୍ୟାବଧି ୭୮୭ ଦିନ ଧରି ନିରବଛିନ୍ନ ପ୍ରକ୍ରିୟାରେ ଚାଲିଛି ଫାଉଣ୍ଡେସନର ସଚେତନତା ସହ ମାକ୍ସ, ସାବୁନ, ସାନିଟାଇଜର, ହ୍ୟାଣ୍ଡ ଗ୍ଲୋବସ୍, ଡେଟଲ, ଓଆରଏସ ଆଦି ସହ ଗରିବ ଅସହାୟ ମାନଙ୍କୁ ଖାଦ୍ୟ, ଫଳ, ବସ୍ତ୍ର, ଗ୍ରୋସରୀ ସାମଗ୍ରୀ ଆଦି ବଣ୍ଟନ । ଏହି ପରିପ୍ରେକ୍ଷୀରେ ଫାଉଣ୍ଡେସନର ପ୍ରତିଷ୍ଠାତା ଅଧ୍ୟକ୍ଷ ଚିନ୍ମୟ ଦାଶଙ୍କ ନିର୍ଦ୍ଦେଶ କ୍ରମେ ବିଂଝାରପୁର ଅଞ୍ଚଳର ସୁନାପାଳ ଗ୍ରାମରେ ସମାଜସେବୀ ଶ୍ରୀକ୍ଷେତ୍ର ସାହୁ , ଯଯାତି କେଶରୀ ଜେନା ଓ ମନୋଜ ଜେନାଙ୍କ ନେତୃତ୍ୱରେ କରୋନା କିଟ୍ ଓ ରିଲିଫ ସାମଗ୍ରୀ ଆଦି ବଣ୍ଟନ କରାଯାଉଥିବାର ଦେଖିବାକୁ ମିଳିଛି ।
