ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ସାରସ୍ଵତ ସାଧକ ଗୌରଚନ୍ଦ୍ର ଚୌଧୁରୀଙ୍କୁ ଅଶ୍ରୁଳ ଶ୍ରଦ୍ଧାଞ୍ଜଳି ପ୍ରଦାନ କରିଛନ୍ତି ଅଞ୍ଚଳବାସୀ . ସ୍ଥାନୀୟ ବସନ୍ତ ବିହାର, ପୂର୍ଣ୍ଣଚନ୍ଦ୍ର ମହାପାତ୍ରଙ୍କ ବାସ ଭବନ ଠାରେ ଆଜି ବିଶିଷ୍ଟ ଶିକ୍ଷାବିତ୍, କବି,ଲେଖକ, ପ୍ରାବନ୍ଧିକ, ସମାଲୋଚକ ଦିବଂଗତ ଗୌରଚନ୍ଦ୍ର ଚୌଧୁରୀଙ୍କ ସ୍ମୃତିରେ ଏକ ଅଶ୍ରୁଳ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଯାଇଛି । ଜଣେ ବିଶିଷ୍ଟ ଶିକ୍ଷାବିତ୍ ,ସାରସ୍ୱତ ସାଧକ ,ସରଳ ସାବଲୀଳ ବ୍ୟକ୍ତି ଭାବେ ସର୍ବତ୍ର ପରିଚିତ ଥିଲେ ସ୍ବର୍ଗତ ଚୌଧୁରୀ । ଦେହାନ୍ତ ସମୟରେ ସ୍ବର୍ଗତ ଚୌଧୁରୀଙ୍କୁ ୮୯ବର୍ଷ ହୋଇଥିଲା । ଶ୍ରଦ୍ଧାଞ୍ଜଳୀ ସଭାରେ ପୂର୍ଣ୍ଣଚନ୍ଦ୍ର ମହାପାତ୍ର, ବିଚିତ୍ରାନନ୍ଦ ବେବର୍ତ୍ତା, ବିନୋଦ ଚନ୍ଦ୍ର ଜେନା, ଭାଗବତ ପାଢ଼ୀ, ପୂର୍ଣ୍ଣଚନ୍ଦ୍ର ରଥ, ନିତ୍ୟାନନ୍ଦ ଚୌଧୁରୀ, ଅରକ୍ଷିତ ପାତ୍ର, ତ୍ରିପତି ପ୍ରସାଦ ପଣ୍ଡା, ଶରତଚନ୍ଦ୍ର ସାହୁ ପ୍ରଭୃତି ଯୋଗଦାନ କରିଥିଲେ ।
