ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ ଜିଲ୍ଲା ଖଣ୍ଡପଡ଼ା ବନ୍ୟପ୍ରାଣୀ ଡିଭିଜନରେ ସକ୍ରିୟ ହୋଇଛନ୍ତି .ଶୀକରୀ ବିଦ୍ୟୁତ ଖୁଣ୍ଟ ରୁ ହୁକ ପକାଇ କରାଯାଉଛି ବନ୍ୟଜନ୍ତୁ ଶିକାର . ବିଭାଗୀୟ କର୍ତ୍ତୃପକ୍ଷ ଘଟଣା ସମ୍ପର୍କରେ ଜାଣି ମଧ୍ୟ ଚୁପ୍ ରହୁଥିବା ଅଭିଯୋଗ ହେଉଛି । ନୟାଗଡ଼ ଜିଲ୍ଲା ଖଣ୍ଡପଡ଼ା ବ୍ଲକ କୁସୁମୀ ନଦୀ ନିକଟ ବାଇଗୁଣୀଆ ଓ ବନମାଳୀପୁର ପାନୀୟଜଳ ପମ୍ପ ହାଉସ୍ କୁ ସଂଯୋଗ କରୁଥିବା ବିଦ୍ୟୁତ ତାର ଖୁଣ୍ଟରୁ ଦୁବୃର୍ତ୍ତ ମାନେ ହୁକ ପକାଇ ଦିନ ଦ୍ୱିପ୍ରହରେ ବିଭିନ୍ନ ବନ୍ୟଜନ୍ତୁ ଶିକାର କରୁଛନ୍ତି । ବନ ବିଭାଗ କର୍ମଚାରୀ ମାନେ ଜାଣିଶୁଣି ଚୁପ୍ ରହୁଥିବା ସ୍ଥାନୀୟ ଲୋକେ ଅଭିଯୋଗ କରୁଛନ୍ତି । ଏପରି ବିପଦଜନକ ଢଙ୍ଗରେ ଶୀକାର ଯୋଗୁଁ କୌଣସି ଅଘଟଣ ଘଟିବାକୁ ଏଡାଇ ଦିଆଯାଇ ନପାରେ . ଏଥିପ୍ରତି ଡିଏଫଓ ସ୍ବତନ୍ତ୍ର ଦୃଷ୍ଟି ଦେବାପାଇଁ ସ୍ଥାନୀୟ ଅଞ୍ଚଳରେ ଦାବି ହେଉଅଛି ।
