ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : କଳାପଥର ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଶାଖା ତରଫରୁ ଜାତୀୟ ଯୁବ ଦିବସ ଉପଲକ୍ଷେ ଆୟୋଜିତ ହେବାକୁ ଥିବା ଯୁବ ଜାଗୃତି କାର୍ଯ୍ୟକ୍ରମ ସମ୍ପର୍କରେ ଗଣମାଧ୍ୟମ ସମ୍ମିଳନୀରେ ସୂଚନା ଦେଇଛନ୍ତି ଆଶ୍ରମର କର୍ମକର୍ତ୍ତା . ଖଜୁରୀପଦା ନୂଆସାହି ସ୍ଥିତ ପ୍ରଭୁ ପସନ୍ଦ ଭବନଠାରେ ବାଙ୍କୀ, ବେଗୁନିଆ ଓ ବୋଲଗଡର ସମସ୍ତ ସମ୍ବାଦିକ ମାନଙ୍କୁ ନେଇ ଏକ ସାମ୍ବାଦିକ ସମ୍ମିଳନୀ ଆୟୋଜନ କରାଯାଇଥିଲା । ଏଥିରେ ଶାଖାର ମୂଖ୍ୟ ସଂଯୋଜିକା ଯାଜ୍ଞସେନୀ ମହାରଣା ସଭାପତିତ୍ୱ କରି ଆସନ୍ତା ୯,୧୦,୧୧,୧୨ ତାରିଖରେ ହେବାକୁ ଥିବା ପ୍ରଜାପିତା ବ୍ରହ୍ମାକୁମାରୀ ବିଶ୍ୱବିଦ୍ୟାଳୟ ର ଯୁବ ଜାଗୃତି କାର୍ଯ୍ୟକ୍ରମ ରେ ଯୁବ ସମାଜ କୁ ଆଧ୍ୟାତ୍ମିକତା ଶିକ୍ଷା ଓ ପ୍ରେରଣା ଦେଇ ଆଗକୁ ବଢ଼ିବାରେ ସହଯୋଗ କରିପାରିବେ ବୋଲି ଆଲୋଚନା କରିବା ସହ ଉପସ୍ଥିତ ଥିବା ସମସ୍ତ ସାମ୍ବାଦିକ ମାନଙ୍କୁ ଉତ୍ତରୀୟ ଓ ଯୁବ ଶକ୍ତି ମହତ୍ୱ ର ପୁସ୍ତକ ପ୍ରଦାନ କରିଥିଲେ . ଅନୁଷ୍ଠାନର ସଦସ୍ୟ ମାନେ ନୂତନ ବର୍ଷ ପାଇଁ ଶୁଭେଚ୍ଛା ବାର୍ତ୍ତା ମଧ୍ୟ ଜଣାଇଥିଲେ । କାର୍ଯ୍ୟକ୍ରମରେ ଉପସ୍ଥିତ ସମସ୍ତ ସାମ୍ବାଦିକ ନିଜ ନିଜ ଅନୁଭୂତି ବାଣ୍ଟିବା ସହିତ ଆଗାମୀ ଦିନରେ ଅନୁଷ୍ଠିତ ହେବାକୁ ଥିବା ଯୁବ ଜାଗୃତି କାର୍ଯ୍ୟକ୍ରମ ସଫଳ କରିବା ପାଇଁ ମତ ଦେଇଥିଲେ ।
