ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଆରଏମସି କନଫେରେନ୍ସ ହଲ ଠାରେ ଓଡିଶା ରାଜ୍ୟ ବିଦ୍ୟୁତ ଶ୍ରମିକ କର୍ମଚାରୀ ସଙ୍ଘ ପାରଳାଖେମୁଣ୍ଡି ଶାଖାର ବାର୍ଷିକ ନିର୍ବାଚନୀ ସଭା ଅନୁଷ୍ଠିତ ହୋଇଯାଇଛି I ଏଥିରେ ସଂଘର କାର୍ଯ୍ୟକ୍ରୀ ସଭାପତି ଦିନବନ୍ଧୁ ମହାନ୍ତି, ରାୟଗଡା ସର୍କଲ ସମ୍ପାଦକ ପ୍ରଫୁଲ୍ଲ ଚନ୍ଦ୍ର ମହାପାତ୍ର , ଗୁଣୁପୁର ଡିଭିଜନର ସମ୍ପାଦକ ଅଜିତ ପଣ୍ଡା , କେନ୍ଦ୍ରୀୟ କାର୍ଯକାରୀ ସଦସ୍ୟ ପ୍ରଦୀପ କୁମାର ପାଢ଼ୀ ଏବଂ ରଜତ କୁମାର ପ୍ରଧାନ ଅତିଥି ଭାବେ ଉପସ୍ଥିତ ରହିଥିଲେ I ଏହି ସଭାରେ 2023 ପାଇଁ ଗୋପୀନାଥ ବିଶ୍ୱାଳ ଉପଦେଷ୍ଟା, ସୁକାନ୍ତ କୁମାର ପଣ୍ଡା ପାରଳାଖେମୁଣ୍ଡି ଶାଖାର ଡିଭିଜନ ସମ୍ପାଦକ, ଧନପତି ପ୍ରଧାନ ସହ ସମ୍ପାଦକ , ଅଶ୍ୱିନୀ କୁମାର ସ୍ୱାଇଁ କେନ୍ଦ୍ରୀୟ କାର୍ଯକାରୀ ସଦସ୍ୟ , ଶିଶିର କୁମାର ସାହୁ କୋଷାଧକ୍ଷ ଭାବେ ନିର୍ବାଚିତ ହୋଇଥିଲେ l ଏହି ସଭାରେ ସଂସ୍ଥାରେ କାର୍ଯ୍ୟ କରୁଥିବା ଅସ୍ଥାୟୀ କର୍ମଚାରୀ ମାନଙ୍କର ସମସ୍ୟା ଏକ ମୁଖ୍ୟ ବିଷୟ ବସ୍ତୁ ରୁପେ ଆଲୋଚନା ହୋଇଥିଲା ! ତା ସହ ସଂଙ୍ଘର ଆଗାମୀ ପଦକ୍ଷେପ ଗୁଡିକ ବିଷୟରେ ସଭାପତି ସମସ୍ତ ସଭ୍ୟଙ୍କୁ ଅବଗତ କରାଇଥିଲେ l
