ନିଶ୍ଚିନ୍ତକୋଇଲି ( ଆୱାଜ ମିଡ଼ିଆ ) – ଡମ୍ବରୁଧର ବେହେରା : ଜୁଏଲାରୀ ଦୋକାନ ସଟର ତାଡି ଲୁଟି ନେଲେ ଲକ୍ଷାଧିକ ଟଙ୍କା ର ସୁନାଗହଣା ! ଏଭଳି ଘଟଣା ଘଟିଛି କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା ଅଧିନସ୍ଥ କଟିକଟା ବଜାର ରେ ଥିବା ଅଳଙ୍କାର ଦୋକାନ କ୍ରିଷ୍ଣା ଜୁଏଲାରୀରେ । କଟକ କେନ୍ଦ୍ରାପଡ଼ା ରାସ୍ତା ପାର୍ଶ୍ବରେ ଥିବା କ୍ରିଷ୍ଣା ଜୁଏଲାରୀ ରେ ଗତକାଲି ବିଳମ୍ବିତ ରାତି ରେ ସଟର ତଡା ଯାଇ ଲୁଟ ହୋଇଛି ! ରାତି ପ୍ରାୟ ଗୋଟାଏ ରୁ ୨ ଟା ସମୟ ମଧ୍ୟରେ ୧୦ / ୧୨ ଜଣ ଦୁର୍ବୁତ୍ତ ଦୋକାନ ର ସଟର ତାଡି ତାଲା ଭାଙ୍ଗି ଦୋକାନ ରେ ପଶି ଲୁଟି ନେଇଛନ୍ତି ଲକ୍ଷାଧିକ ଟଙ୍କାର ଅଳଙ୍କାର ! ଦୋକାନରେ ଲୁଟେରା ପଶିଥିବା ସ୍ଥାନୀୟ ଲୋକମାନେ ଦେଖି ଦୋକାନ ର ମାଲିକ ଙ୍କୁ ଫୋନ୍ କରିଥିଲେ । ଦୋକାନ ମାଲିକ ସହିତ ଘର ଲୋକ ଆସି ପାଟିତୁଣ୍ଡ କରିବାରୁ ଦୁର୍ବୁତ୍ତ ମାନେ ଧାଇଁ ପଳାଇଥିଲେ ।
ଲୁଟ୍ ରେ ବ୍ୟବହାର ହୋଇଥିବା ଏକ ଶାବଳ ଫୋପାଡି ଦେଇ ପଳାଇଛନ୍ତି । ୧୨ କେଜି ରୁ ଅଧିକ ରୁପା ଗହଣା, ୧୦୦ ଗ୍ରାମ ରୁ ଅଧିକ ସୁନା ଗହଣା ସହିତ ନଗଦ ୮୦ ହଜାର ଟଙ୍କା ରୁ ଅଧିକ ଟଙ୍କା ଲୁଟ୍ କରି ନେଇଥିବା ନିଶ୍ଚିନ୍ତକୋଇଲି ଥାନା ରେ ଅଭିଯୋଗ ହୋଇଛି । ଘଟଣା ସ୍ଥଳରେ ନିଶ୍ଚିନ୍ତକୋଇଲି ପୋଲିସ ପହଞ୍ଚି ସିସିଟିଭି ଫୁଟେଜ କୁ ନେବା ସହିତ ତଦନ୍ତ ଆରମ୍ଭ କରିଛି । ନିଶ୍ଚିନ୍ତକୋଇଲି ପୋଲିସ କୁ ଖୋଲା ଚାଲେଞ୍ଜ ଦେଇ ଦୁବୃର୍ତ୍ତ ମାନେ ବାରମ୍ବାର ଲୁଟ୍, ଡକାୟତି,ଚୋରି ଘଟାଇବାରେ ଲାଗିଛନ୍ତି କିନ୍ତୁ ପୋଲିସ ହାତ ଖାଲି।
