ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ପୁଣି ଘଟିଲା ଅଘଟଣ ! ଟ୍ରେନ ତଳେ ଚାଲିଗଲା ଛ ଜୀବନ ! ଯାଜପୁର ରୋଡ଼ ରେଳ ଷ୍ଟେସନ ନିକଟରେ ଘଟିଛି ଏପରି ଲୋମ ଟାଙ୍କୁରା ଦୁର୍ଘଟଣା ! ଟ୍ରେନ ନେଇଗଲା ଛ ମୁଣ୍ଡ ! ବାହାନଗା ର କ୍ଷତ ଭରି ନଥିବା ବେଳେ , ପୁଣି ଟ୍ରେନ ଅଘଟଣ ନେଇ ଆସିଲା ବଡ ଖବର । ଯାଜପୁର ରୋଡ ରେଳଷ୍ଟେସନ ନିକଟରେ ଘଟିଛି ଏହି ଅଘଟଣ । ରେଳ ଦୁର୍ଘଟଣାରେ ୬ ମୃତ । ମିଳିଥିବା ସୂଚନା ମୁତାବକ ସମସ୍ତ ମୃତକ ହେଉଛନ୍ତ ଶ୍ରମିକ । କାଳ ବୈଶାଖୀର ବର୍ଷା ପବନରୁ ରକ୍ଷା ପାଇବା ପାଇଁ ରେଳ ଧାରଣା ରେ ଛିଡା ହୋଇଥିବା ବଗି ତଳକୁ ପଳାଇଥିଲେ । ହଠାତ ସେହି ସମୟରେ ଟ୍ରେନ ଚାଲିବାରୁ ବାହାରି ପାରି ନଥିଲେ ! ଫଳରେ ଘଟିଗଲା ଏହି ଦୁର୍ଘଟଣା । ସେଫଟି ଲାଇନରେ ଠିଆ ହୋଇଥିବା ଟ୍ରେନ ହଠାତ ଗଡିବାରୁ ଅଘଟଣ ଘଟିଥିବାର ଜଣାଯାଇଛି ! ବାହାନଗା ଟ୍ରେନ ଦୁର୍ଘଟଣା ଲୋକଙ୍କ ମନରୁ ଲିଭି ନଥିବା ବେଳେ ଆଉ ଏକ ଦୁଖଃଦ ଘଟଣା ସାମ୍ନାକୁ ଆସିଛି ।
