ନୟାଗଡ ( ଆୱାଜ ମିଡ଼ିଆ ) – ବିଶ୍ବଭୂଷଣ ମହାପାତ୍ର : କାରରେ ଗଞ୍ଜେଇ ଚାଲାଣ ବେଳେ ମାଡି ବସିଲା ନୟାଗଡ଼ ଟାଉନଥାନା ପୋଲିସ । କାର ସହ 70 କେଜି ଗଞ୍ଜେଇ ଜବତ ଜଣେ ଗିରଫ । ଗିରଫ ଅଭିଯୁକ୍ତ ହେଲେ କନ୍ଧମାଳ ର ଆଶିସ କୁମାର ପ୍ରଧାନ । ସୁଚନା ଅନୁଯାୟୀ ନୟାଗଡ଼ ଲେଙ୍କୁଡିପଡା ଠାରେ ରାସ୍ତାରୋକ ହୋଇଥିବା ବେଳେ ଏକ ଗଞ୍ଜେଇ ଭର୍ତ୍ତି କାର ସେଠାରେ ଅଟକି ରହିଥିଲା । କାରର ଡ୍ରାଇଭର ସେଠାରେ ଉପସ୍ଥିତ ଥିବା ପୋଲିସକୁ ଦେଖି କାର ଛାଡି ଦୈାଡି ପଳାଇବାକୁ ଚେଷ୍ଟା କରିବାରୁ ପୋଲିସ ତାକୁ ମାଡି ବସିବା ସହ କାରର ତଲାସି ନେଇଥିଲା । ତଲାସି ବେଳେ କାରରେ ୩ ଟି ବସ୍ତାରେ ଗଞ୍ଜେଇ ଥିବା ଦେଖିବାକୁ ପାଇଥିଲା । ପରେ ଗଞ୍ଜେଇ ଭର୍ତ୍ତି କାର କୁ ପୋଲିସ ଜବତ କରିବା ସହ କାର ଚାଳକକୁ ଥାନାକୁ ନେଇ ପଚରାଉଚରା ସହ ଗିରଫ କରାଯାଇଥିଲା । ଓଜନ ପରେ ଜବତ ଗଞ୍ଜେଇର ପରିମାଣ ୭୦ କେଜି ରହିଥିବା ଜଣାପଡିଛି । କନ୍ଧମାଳ ରୁ ଭୁବନେଶ୍ୱରକୁ ଏହି ଗଞ୍ଜେଇ ଚାଲାଣ ହେଉଥିବା ସାମ୍ବାଦିକ ସମ୍ମୀଳନୀରେ ସୁଚନା ଦେଇଛନ୍ତି ଏସଡିପିଓ ସ୍ନେହାଶିଷ ସାହୁ । ଗଣମାଧ୍ୟମ ସମ୍ମିଳନୀରେ ଟାଉନ ଥାନା ଆଇଆଇସି ପ୍ରଜ୍ଞା ପାରମିତା ଜେନା, ଏ ଏସ ଆଇ ଧର୍ମେନ୍ଦ୍ର ଶିଆଳ ଙ୍କ ସମେତ ସମସ୍ତ କର୍ମଚାରୀ ଉପସ୍ଥିତ ରହିଥିଲେ !
