ଖୋର୍ଦ୍ଧା ( ଆୱାଜ ମିଡ଼ିଆ ) – ପ୍ରସନ୍ନ ସ୍ୱାଇଁ : ସାଧାରଣ ନିର୍ବାଚନ ଯେତିକି ପାଖେଇ ଆସୁଛି, ବୋଲଗଡ଼ – ବେଗୁନିଆରେ ବିଭିନ୍ନ ଦଳର ରାଜନୈତିକ ପତିଆରା ପାଇଁ ଦିନରାତି ଏକ କରି ଦେଇଛନ୍ତି ଦଳର ନେତାମାନେ । ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ବୋଲଗଡ଼ ନନ୍ଦିଘୋଷ ଭବନ ରେ କ୍ରୀଡା ସମ୍ମାନ ଉତ୍ସବ ଆୟୋଜନ କରିଛନ୍ତି । ବିଜୁ ଜନତା ଦଳ ମହିଳା ମାନଙ୍କୁ ନେଇ ବିଭିନ୍ନ ଯୋଜନା ପ୍ରଣୟନ କରି ନିଜ ଦଳକୁ ଆକୃଷ୍ଟ କରିଥିବା ବେଳେ , ଯୁବ ଗୋଷ୍ଠୀ ପାଇଁ ଖେଳ ସାମଗ୍ରୀ ବାଣ୍ଟି ଆକୃଷ୍ଟ କରୁଛନ୍ତି ବିଜେପି ସାଂସଦ ଶ୍ରୀମତୀ ଷଡ଼ଙ୍ଗୀ । ବୋଲଗଡ ବ୍ଲକର ସମସ୍ତ ୧୯ ଗୋଟି ପଞ୍ଚାୟତର ବିଭିନ୍ନ ଗ୍ରାମର ୭୯ ଗୋଟି ଯୁବ ସଙ୍ଗଠନକୁ ନିଜ ହାତ ପାଣ୍ଠିରୁ କ୍ରିକେଟ , ଭଲି ବଲ ଓ ଫୁଟବଲ ଖେଳର ସାମଗ୍ରୀ ମାନ ବଣ୍ଟନ କରିଥିଲେ । ଯୁବଗୋଷ୍ଠୀଙ୍କୁ ଆକୃଷ୍ଠ କରିବା ପାଇଁ ଏବଂ ନିଜ ସପକ୍ଷରେ ସମର୍ଥନ ହାସଲ ପାଇଁ ସାଂସଦଙ୍କ ଏହି ପ୍ରୟାସ ଯୁବକ ମାନଙ୍କ ମଧ୍ୟରେ ଉତ୍ସାହ ଭାରି ଦେଇଛି ! ଏହି କାର୍ଯ୍ୟକ୍ରମରେ ଏକହଜାରରୁ ଉର୍ଦ୍ଧ ବିଭିନ୍ନ କ୍ଲବ ଯୁବକ ସଂଘ ଓ ଖେଳାଳୀ ଟିମ୍ର ଯୁବକମାନେ ଯୋଗଦେଇ ସାଂସଦଙ୍କ ଏଭଳି ଉଦ୍ୟମକୁ ଭୁରିଭୁରି ପ୍ରଶଂସା କରିଛନ୍ତି । ଏହି କାର୍ଯ୍ୟକ୍ରମରେ ସାଂସଦ ତାଙ୍କ ଅଭିଭାଷଣରେ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଖେଲୋ ଇଣ୍ଡିଆ ଓ ଫିଟ୍ ଇଣ୍ଡିଆର ଆହ୍ୱାନକୁ ସମସ୍ତ ଯୁବଗୋଷ୍ଠୀ ଆପଣାଇବା ପାଇଁ ପରାମର୍ଶ ଦେଇଥିଲେ । ଆୟୋଜିତ କାର୍ଯ୍ୟକ୍ରମରେ ଜିଲ୍ଲା ବିଜେପି ସାଧାରଣ ସମ୍ପାଦକ ପ୍ରକାଶ ରଣବିଜୁଳି, ପୂର୍ବତନ ବ୍ଲକ ଅଧ୍ୟକ୍ଷ ତଥା ସାଂସଦଙ୍କ ପ୍ରତିନିଧି ରଘୁନାଥ ଷଡଙ୍ଗୀ, ବେଗୁନିଆ ନିର୍ବାଚନ ମଣ୍ଡଳୀ ପ୍ରଭାରୀ ମାନସ ମହାନ୍ତି, ନିର୍ବାଚନ ମଣ୍ଡଳୀ ସଂଯୋଜକ ଦେବରାଜ ପଳେଇ , ଜିଲ୍ଲା ସାଧାରଣ ସମ୍ପାଦକ କର୍ପୁର ସାହୁ, ବଟକୃଷ ସାହୁ, ଜିଲ୍ଲା କୃଷକ ମୋର୍ଚ୍ଚା ଉପସଭାପତି , ପଞ୍ଚାୟତ ସଭାପତି ବନ୍ଧୁ କୁମାର ଭୋଳ, କର୍ପୁର ସାହୁ, ଜିତେନ୍ଦ୍ର ସାହୁ , ବଟକୃଷ୍ନ ସାହୁ ପ୍ରମୁଖ ଉପସ୍ଥିତ ରହି କ୍ରୀଡା ସାମଗ୍ରୀ ବଣ୍ଟନ କାର୍ଯ୍ୟକ୍ରମକୁ ପରିଚାଳନା କରିଥିଲେ ।
