ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ସୁକିନ୍ଦା ବ୍ଲକ ଅନ୍ତର୍ଗତ ସୁକିନ୍ଦା ମୁଖ୍ୟ ରାଜପଥ ତୁରନ୍ତ ମରାମତି ନିମନ୍ତେ ଜନ ଜାଗରଣ ମଞ୍ଚ ପକ୍ଷରୁ ସୁକିନ୍ଦା ଅତିରିକ୍ତ ତହସିଲଦାରଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି । ସୂଚନା ମୁତାବକ ସୁକିନ୍ଦା ମୁଖ୍ୟ ରାଜପଥ ଅଧପାନ୍ତରିଆ ହୋଇ ପଡ଼ି ରହିଥିବାରୁ ରାଜପଥରେ ବଡ ବଡ ଖାଲ ମାନ ହୋଇଥିବା ଦେଖିବାକୁ ମିଳିଛି । ସେହି ଖାଲ ମଧ୍ୟରେ ଦୁର୍ଘଟଣାଗ୍ରସ୍ତ ହୋଇ ବହୁ ପଥଚାରୀଙ୍କର ମୃତ୍ୟୁ ହୋଇଥିବା ବେଳେ ବହୁ ପଥଚାରି ଦୁର୍ଘଟଣାଗ୍ରସ୍ତ ହୋଇ ପଙ୍ଗୁ ହୋଇଯାଇଥିବା ଦେଖିବାକୁ ମିଳିଛି । ବର୍ଷା ଦିନ ସମୟରେ ସୁକିନ୍ଦା ରାଜପଥ ମଧ୍ୟରେ ଥିବା ଖାଲ ମଧ୍ୟରେ ବହୁ ଯାତ୍ରୀ ବାହି ବସ ଓ ଅନ୍ୟ ଗାଡି କୁଡ଼ିକ ଫସି ରହି ବହୁ ପଥଚାରୀ ହଇରାଣ ହରକତ ହେଉଛନ୍ତି । ଏନେଇ ସୁକିନ୍ଦା ମୁଖ୍ୟ ରାଜପଥକୁ NH କତୃପକ୍ଷ ତୁରନ୍ତ ମରାମତି କରିବା ନିମନ୍ତେ ସୁକିନ୍ଦା ଜନ ଜାଗରଣ ମଞ୍ଚ ପକ୍ଷରୁ ବୁଧବାର ଦିନ ସୁକିନ୍ଦା ଅତିରିକ୍ତ ତହସିଲଦାର ସୁଦ୍ଧାସଙ୍ଗୀତା ସାହୁଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି । ଯଦି 7 ଦିନ ମଧ୍ୟରେ NH କତୃପକ୍ଷ ସୁକିନ୍ଦା ରାଜପଥରେ ଥିବା ତୃଟି ପୂର୍ଣ୍ଣ କାର୍ଯ୍ୟକୁ ମରାମତି ନ କରନ୍ତି ତେବେ ସୁକିନ୍ଦା ଜନ ଜାଗରଣ ମଞ୍ଚ ପକ୍ଷରୁ ସୁକିନ୍ଦା ମୁଖ୍ୟ ରାଜପଥକୁ ଅବରୋଧ କରାଯିବା ନିମନ୍ତେ ସଂଘ ପକ୍ଷରୁ ଚେତାବନୀ ଦିଆଯାଇଛି ।
