ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ଗଜପତି ଜିଲ୍ଲା ଗୋଶାଣୀ ବ୍ଳକ ଅନ୍ତର୍ଗତ କେରାଣ୍ଡି ପଞ୍ଚାୟତର ପୁରୁଣା କେରାଣ୍ଡି ଗ୍ରାମର ଗୋକଣ୍ଣେଶ୍ୱର ଶିବ ମନ୍ଦିରରେ ଶୀତଳ ଷଷ୍ଠୀ ଯାତ୍ରା ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ନୂତନ ଭାବେ ନବ ନିର୍ବାଚିତ ବିଧାୟକ ଇଂ ରୂପେଶ ପାଣିଗ୍ରାହୀ ଯୋଗ ଦେଇଥିଲେ । ଶୀତଳଷଷ୍ଠୀ ଯାତ୍ରାରେ ଜଗତ ଜନନୀ ମା ପାର୍ବତୀଙ୍କ ସହିତ ମହାଦେବଙ୍କ ବିବାହ ଉତ୍ସବ ଧୁମଧାମରେ ପାଳିତ ହୋଇଯାଇଛି । ବର ପକ୍ଷରୁ ବିଘ୍ନରାଜ୍ ପଣ୍ଡା ଯୋଗ ଦେଇଥିବା ବେଳେ କନ୍ୟା ପକ୍ଷରୁ ରଘୁନାଥ ପଣ୍ଡା ଯୋଗ ଦେଇଥିଲେ । ଏହି ଵିଵାହ ଉତ୍ସବରେ ରାଧା ଗୋବିନ୍ଦ ମଠର ମହନ୍ତ ଦାମୋଦର ଦାସ ଯୋଗ ଦେଇଥିଲେ । ପୂଜକ ଭାବେ ଅନ୍ତର୍ଯ୍ୟାମୀ ପାଟୋଯୋଶୀ ଶିବ ବିବାହ କରାଇଥିଲେ । ଏହି କାର୍ଯ୍ୟକ୍ରମରେ ପଞ୍ଚାୟତର ସରପଞ୍ଚ, ୱାଡ଼ସଭ୍ୟ, ଯୁବଗୋଷ୍ଠୀ ଓ ଗ୍ରାମବାସୀ ସହଯୋଗ କରିଥିଲେ । ଆଖପାଖ ଗ୍ରାମରୁ ବହୁ ଭକ୍ତ ମାନଙ୍କ ସମାଗମ ଦେଖିବାକୁ ମିଳିଥିଲା । ଏହି ଅବସରରେ ପ୍ରସାଦ ସେବନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସେହିଭଳି ପାରଳାଖେମୁଣ୍ଡି ଉପକଣ୍ଠସ୍ଥିତ ରାମଲିଙ୍ଗେଶ୍ବର ମନ୍ଦିରରେ ମଧ୍ୟ ଶିବ ବିବାହ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
