ରାସଗୋବିନ୍ଦପୁର ( ଆୱାଜ ମିଡ଼ିଆ ) – ଚନ୍ଦନ କୁମାର ଦାସ : ବାଟରେ ହେଉ କି ଘାଟରେ ହେଉ ଯଦି ସାଙ୍ଗରେ ଗୋଟିଏ ଭାଇ ଥାଏ ତେବେ ବାଟ ଚାଲିବାରେ ଡର ନ ଥାଏ। ତେବେ ଭାଇ ଯେତେବେଳେ ଭଗାରୀ ସାଜି ଦାଉ ସାଧେ, ସେତେବେଳେ ପରିବାର ରେ ଝଡ଼ ସୃଷ୍ଟି ହୁଏ । ଏଭଳି ଘଟଣା ଭାଇ ଭାଇ ମଧ୍ୟରେ ଘଟିଯାଇଥିଲା ଯେ ଜଣେ ଜଣକୁ ଗୋଟିଏ ମା’ର ସନ୍ତାନ ବୋଲି ଭୁଲି ଯାଇଥିଲେ । ସାମାନ୍ୟ ଜାଗା ଜମି କଥାରେ ମୃତ ବାପା, ମା’ଙ୍କ ପ୍ରତିମୂର୍ତ୍ତି ନିକଟରେ ଗଡିଲା ସାନ ପୁଅ ର ମୁଣ୍ଡ । ଏଭଳି ଘଟଣା ଘଟିଛି ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଅନ୍ତର୍ଗତ ନଳଗଜା ପଞ୍ଚାୟତ ର ନୁଣଚାଟି ଗାଁ ରେ । ସୂଚନା ମୁତାବକ ମୃତ ଦେବେନ୍ଦ୍ର ମାହାନାଙ୍କ ୫ ପୁଅ ମଧ୍ୟରୁ ମଝିଆଁ ପୁଅ ଅରୁଣ ମହାନା , ତାର ସାନଭାଇ ଜୟନ୍ତ ମାହାନା କୁ ଏକ ଧାରୁଆ ଖଣ୍ଡା ରେ ହାଣି ନୃଶଂସ ଭାବେ ହତ୍ୟା କରିଛି । ଏଭଳି ବିଭତ୍ସ ହତ୍ୟାକାଣ୍ଡ ଘଟିଥିବା ପ୍ରତ୍ୟକ୍ଷଦର୍ଶୀ ମୃତକଙ୍କ ଅନ୍ୟ ଜଣେ ଭାଇ କହିଛନ୍ତି ! ରାସଗୋବିନ୍ଦପୁର ପୁଲିସ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ପରେ ଆରମ୍ଭ କରିଛି ତଦନ୍ତ ! ଅରୁଣ ହତ୍ୟାକାଣ୍ଡ ଘଟାଇ ବାଇକ୍ ଯୋଗେ ଫେରାର ହୋଇଯାଇଥିବା ବେଳେ ପୋଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଜାରି ରଖିଛନ୍ତି ।
