କୃଷକ ଓ ଶ୍ରମିକ ବିରୋଧୀ ନୀତି ବିରୁଦ୍ଧରେ ଜିଲ୍ଲାପାଳଙ୍କ ଅଫିସ ଆଗରେ ବିକ୍ଷୋଭ !!!

ଗଜପତି ( ଆୱାଜ ମିଡ଼ିଆ ) – ବିବେକାନନ୍ଦ ବେହେରା : ମୋଦି ସରକାରର କୃଷକ ଓ ଶ୍ରମିକ ବିରୋଧୀ ନୀତି ବିରୁଦ୍ଧରେ ଜିଲ୍ଲା ପାଳଙ୍କ ଅଫିସ ଆଗରେ ବିକ୍ଷୋଭ ! ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ମୋଦି ସରକାରଙ୍କ କୃଷକ ଓ ଶ୍ରମିକ ବିରୋଧୀ ନୀତି ବିରୁଦ୍ଧରେ ସଂଯୁକ୍ତ କିଷାନ ମୋର୍ଚ୍ଚା ଓ କେନ୍ଦ୍ରୀୟ ଶ୍ରମିକ ସଂଗଠନ ମାନଙ୍କ ପକ୍ଷରୁ ବିକ୍ଷୋଭ ପ୍ରଦର୍ଶନ କରିବା ସହିତ ମହା ମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ଜରିଆରେ 19 ଦଫା ଦାବି ସମ୍ବଳିତ ଏକ ସ୍ମାରକପତ୍ର ପ୍ରଦାନ କରାଯାଇଛି ! ଦାବୀ ଗୁଡିକ ହେଲା ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି ବନ୍ଦ କରାଯାଉ, ମାସିକ ସର୍ଵ ନିମ୍ନ ମଜୁରୀ 26000 ଟଙ୍କା ବୃଦ୍ଧି କରାଯାଉ, ସମସ୍ତଙ୍କୁ ବାସଗୃହ, ଶିକ୍ଷା, ସ୍ୱାସ୍ଥ୍ୟ ଓ ପାନୀୟ ଜଳ ଯୋଗାଇ ଦିଆଯାଉ, ସରକାରୀ ମାଲିକାନାରେ ଥିବା ଶିଳ୍ପ,ସଂସ୍ଥା,ସେବାର ଘରୋଇ କରଣ ବନ୍ଦ କରାଯାଉ,ଚାଷୀଙ୍କ ଋଣ ଛାଡ କରାଯାଉ, ମନରେଗା ରେ ଶ୍ରମିକଙ୍କ ଦୈନିକ ମଜୁରୀ 600 ଟଙ୍କାକୁ ଓ ବାର୍ଷିକ କାର୍ଯ୍ୟ ଦିବସ ସଂଖ୍ୟା କୁ 200 ଦିନ ବୃଦ୍ଧି କରାଯାଉ,ଦିଲ୍ଲୀରେ କୃଷକ ଆନ୍ଦୋଳନ ସ୍ଥଗିତ ରଖିବା ସମୟରେ କେନ୍ଦ୍ର ସରକାର ଦେଇଥିବା ସମସ୍ତ ପ୍ରତିଶ୍ରୁତିକୁ ପାଳନ କରାଯାଉ, ଏହି ଭଳି 19 ଦଫା ଦାବୀ ରହିଛି । ଏହି କାର୍ଯ୍ୟକ୍ରମରେ ଭାରତୀୟ କ୍ଷେତ ମଜଦୂର ୟୁନିୟନର ଓଡ଼ିଶା ରାଜ୍ୟ ସଭାପତି ଜେନା ସୁବାଷ ଚନ୍ଦ୍ର ରାଓ, ଓଡ଼ିଶା କୃଷକ ସଭାର ରାଜ୍ୟ ସମ୍ପାଦକ ମଣ୍ଡଳୀ ସଦସ୍ୟ ଦଣ୍ଡପାଣି ରଇତଙ୍କ ସମେତ କେନ୍ଦ୍ରୀୟ ଶ୍ରମିକ ସଙ୍ଗଠନର ନେତା ମାନେ ଉପସ୍ଥିତ ଥିଲେ।