କେନ୍ଦ୍ରାପଡା ( ଆୱାଜ ମିଡ଼ିଆ ) – ପ୍ରଫୁଲ୍ଲ କୁମାର ମଲ୍ଲ : କେନ୍ଦ୍ରାପଡ଼ା ଜିଲ୍ଲା ନିକିରାଇ ବଡ଼ସାରଦେଇପୁର ଠାରେ ଅଗ୍ନିବିପନ୍ନ ପରିବାରକୁ ଇସାନେଶ୍ୱର ଶିଶୁ ସୁରକ୍ଷା ଟ୍ରଷ୍ଟ ପକ୍ଷରୁ ସହାୟତା ପ୍ରଦାନ କରାଯାଇଛି । ଏହି ଟ୍ରଷ୍ଟର ସଦସ୍ୟ ମାନେ ଉକ୍ତ ଅଗ୍ନିବିପନ୍ନ ପରିବାରକୁ ଭେଟି ଖାଦ୍ୟ, ବସ୍ତ୍ର, ବାସନ ଓ ଅନ୍ୟ କିଛି ଜରୁରୀ ସାମଗ୍ରୀ ପ୍ରଦାନ କରିଥିଲେ ଏବଂ ଅଗ୍ନିବିପନ୍ନ ମଧ୍ୟ ଟ୍ରଷ୍ଟକୁ କୃତଜ୍ଞତା ଜଣାଇଥିଲେ । ସୂଚନାଯୋଗ୍ୟ, କିଛିଦିନ ତଳେ ରାତିରେ ଆକସ୍ମିକ ଅଗ୍ନିକାଣ୍ଡ ଘଟିବା ଦ୍ବାରା ୩ ପରିବାର ସର୍ବସ୍ବ ହରାଇଥିଲେ । ବିଦ୍ୟୁତ ସର୍ଟସର୍କିଟରୁ ଏହି ଅଗ୍ନିକାଣ୍ଡ ଘଟିଥିବା ଆଶଙ୍କା କରାଯାଉଛି । ଅଗ୍ନିକାଣ୍ଡରେ ୩ ପରିବାରର ସମସ୍ତ ଆସବାବପତ୍ର ସମ୍ପୂର୍ଣ୍ଣ ଜଳି ଯାଇଥିଲା । ପ୍ରଶାସନ ପକ୍ଷରୁ କେବଳ ଜରିପାଲ ମିଳିଥିବା ବେଳେ ସରକାରୀ ଭାବେ ତାଙ୍କୁ ଏପର୍ଯ୍ୟନ୍ତ କ୍ଷତିପୂରଣ ବାବଦରେ କୌଣସି ଆର୍ଥିକ ସହାୟତା ପ୍ରଦାନ କରାଯାଇ ନଥିବାରୁ ସେ ଅତ୍ୟନ୍ତ ଦୁଃଖକଷ୍ଟରେ କାଳାତିପାତ କରୁଛନ୍ତି । ଏ ବିଷୟରେ ସୂଚନା ପାଇ ଇସାନେଶ୍ୱର ଶିଶୁ ସୁରକ୍ଷା ଟ୍ରଷ୍ଟ ପକ୍ଷରୁ ସମ୍ପୃକ୍ତ ଅଗ୍ନିବିପନ୍ନ ପରିବାରକୁ ସହାୟତା ପ୍ରଦାନ କରାଯାଇଛି ।
