କଳାପଥର ( ପ୍ରଶାନ୍ତ କର ) ଆୱାଜ ମିଡ଼ିଆ : କଳାପଥର ଅଞ୍ଚଳର ଆଦର୍ଶ ଶିକ୍ଷକ ଚୈତନ୍ୟ ଭୋଇଙ୍କର ପରଲୋକରେ ସମଗ୍ର ଅଞ୍ଚଳରେ ଶୋକର ଛାୟା ଖେଳିଯାଇଛି . କଳାପଥର ନିକଟସ୍ଥ ପର୍ଶୁରାମପୁର ଗ୍ରାମର ଚୈତନ୍ୟ ଭୋଇ କଳାପଥର ଧଳାପଥର ଉଚ୍ଚ ବିଦ୍ୟାଳୟରେ ଶିକ୍ଷକତା କରି ଅବସର ଗ୍ରହଣ କରିଥିଲେ . ଖଜୁରୀପଦା ନୂଆସାହି ସ୍ଥିତ ବାସଭବନରେ ଶେଷ ନିଶ୍ଵାସ ତ୍ୟାଗ କରିଥିବା ସମୟରେ ଅନ୍ତିମକାଳୀନ ଶଯ୍ୟା ନିକଟରେ ପରିବାର ଲୋକେ ଉପସ୍ଥିତ ରହିଥିଲେ . ଚୈତନ୍ୟ ସାର ଙ୍କର ମୃତ୍ୟୁ ଖବର ଶୁଣି ସ୍ଥାନୀୟ ଅଂଚଳର ବହୁ ଛାତ୍ର ଶେଷ ଦର୍ଶନ ପାଇଁ ପହଁଚିଥିବା ବେଳେ ଅନ୍ତିମ ଯାତ୍ରାରେ ସାମିଲ ହୋଇଥିଲେ . ଆଦର୍ଶ ଶିକ୍ଷକଙ୍କର କର୍ମଭୂମି କଳାପଥର ଉଚ୍ଚ ବିଦ୍ୟାଳୟ ପରିସରକୁ ପାର୍ଥିବ ଶରୀରକୁ ନିଆଯାଇ ଅନ୍ତିମ ସମ୍ମାନ ପ୍ରଦାନ କରାଯାଇଥିଲା .
