କଳାପଥର ( ଆୱାଜ ମିଡ଼ିଆ ) – ଗଙ୍ଗାଧର ସାହୁ / ପ୍ରଶାନ୍ତ କର : ଶୋକାକୁଳ ପରିବେଶରେ ଦିବଂଗତ ଶିକ୍ଷକ ଚୈତନ ଭୋଇଙ୍କୁ ଶ୍ରଦ୍ଧାଞ୍ଜଳି ଦେଲେ ଅଞ୍ଚଳବାସୀ . କଳାପଥର ନିକଟସ୍ଥ ପର୍ଶୁରାମପୁର ଗ୍ରାମର ଆଦର୍ଶ ଶିକ୍ଷକ ଚୈତନ ଭୋଇଙ୍କର ଅକାଳ ବିୟୋଗରେ ସମଗ୍ର ଅଂଚଳ ଶୋକାଭିଭୂତ ହୋଇପଡିଛି . ସ୍ୱର୍ଗତ ଭୋଇ କଳାପଥର ଉଚ୍ଚ ବିଦ୍ୟାଳୟରେ ଶିକ୍ଷକତା କରି ଅବସର ଗ୍ରହଣ କରିଥିଲେ . କଳାର ସମସ୍ତ ବିଷୟରେ ନିପୁଣ ଶିକ୍ଷାଦାନ ସହ ସ୍କାଉଟ ଏବଂ ଗାଇଡ଼ରେ ଦକ୍ଷ ପରିଚାଳନା , ବିଦ୍ୟାଳୟର ଉନ୍ନତିକରଣରେ ତାଙ୍କର ଯୋଗଦାନକୁ ସ୍ମରଣ କରିଛନ୍ତି ଅଞ୍ଚଳବାସୀ . ଗତ ମାସ ଛବିଶ ତାରିଖରେ ଶିକ୍ଷକ ଚୈତନ ଭୋଇଙ୍କର ନିଧନ ଖବର ଶୁଣି ବହୁ ଛାତ୍ରଛାତ୍ରୀ , ପୁରାତନ ଛାତ୍ର, ସହକର୍ମୀ ଏବଂ ଅଞ୍ଚଳବାସୀ ଅନ୍ତିମ ଦର୍ଶନ ପାଇଁ ପହଞ୍ଚିଥିଲେ . ସ୍ଵର୍ଗତ ଭୋଇଙ୍କର ନିଜସ୍ଵ ଗ୍ରାମ ପର୍ଶୁରାମପୁରରେ ଶେଷକୃତ୍ୟ ସମ୍ପନ୍ନ ହୋଇଥିବା ସମୟରେ ଏକାଦଶାହ ଅବସରରେ ଲୋକାରଣ୍ୟ ହୋଇପଡ଼ିଥିଲା ପର୍ଶୁରାମପୁର ଗ୍ରାମ . ବାଙ୍କୀ ବିଧାୟକ ଦେବୀରଞ୍ଜନ ତ୍ରିପାଠୀ , କଂଗ୍ରେସ ନେତା ଦେବାଶିଷ ପଟ୍ଟନାୟକ , କଳାପଥର ଉଚ୍ଚ ବିଦ୍ୟାଳୟର ସମସ୍ତ ପୂରାତନ ଶିକ୍ଷକ ଅନେକ ପୁରାତନ ଛାତ୍ରଛାତ୍ରୀ ଶ୍ରଦ୍ଧାଞ୍ଜଳୀ ପ୍ରଦାନ ପାଇଁ ପହଂଚିଥିଲେ . ଶୋକସଭା ଅବସରରେ ଚୈତନ ଭୋଇ ଏକ ଅଲିଭା ସ୍ମୃତି ନାମରେ ସ୍ମରଣିକା ଉନ୍ମୋଚିତ ହୋଇଥିଲା .
