କଟକ ( ଆୱାଜ ମିଡ଼ିଆ ) – ଅନନ୍ତ ରଣା : କଟକ ଜିଲ୍ଲା ଡମପଡା ବ୍ଲକ ଅନ୍ତର୍ଗତ ଶିମିଳିପୁର ଗ୍ରାମ ପଂଚାୟତର ମକୁନ୍ଦପୁର ଗ୍ରାମରେ ସ୍ୱଚ୍ଛତା ସପ୍ତାହ ପାଳିତ ହୋଇଛି । ଏହି ଅବସରରେ ସ୍ଥାନୀୟ ଶ୍ରୀ ଶ୍ରୀ ଉଗ୍ରେଶ୍ଵର ମହାଦେବଙ୍କ ମନ୍ଦିର ପ୍ରାଗଂଣରେ ସଫେଇ ଏବଂ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ପରେ ମନ୍ଦିର ପ୍ରାଗଂଣକୁ ବିଶୋଧନ କରାଯାଇଥିଲା । କାର୍ଯ୍ୟକ୍ରମକୁ ସାପ୍ତାହିକ ଖବର କାଗଜ ‘ଭୋକିଲାପେଟ’ ଓ ଲୋକ ବିକାଶ ଫାଉଣ୍ଡେସନ ସଂପାଦକ ଅଧ୍ୟକ୍ଷ ସୁଧୀର ଚନ୍ଦ୍ର ନାୟକ ଏବଂ ଅଗ୍ରଣୀ ସ୍ଵେଚ୍ଛାସେବୀ ସଂଗଠନ ନେସ୍କୋର ସଂପାଦକ ବଳରାମ ପାଇକରାୟ,ବିବେକାନନ୍ଦ ସ୍କୁଲ ଶିମିଳିପୁରର ସଂପାଦକ ସତ୍ୟବ୍ରତ ମହାପାତ୍ର , ସମାଜସେବୀ ମନୋଜ କୁମାର ସାହ, ଭ୍ରମରବର ରାଉତ,ସୁବ୍ରତ ନାୟକ ଏବଂ ସାମ୍ବାଦିକ ମୃତ୍ୟୁଜଂୟ ପ୍ରଧାନ ପ୍ରମୁଖ ପରିଚାଳନା କରିଥିଲେ । କାର୍ଯ୍ୟକ୍ରମରେ ସ୍ଥାନୀୟ ଗ୍ରାମବାସୀ ପର୍ଶୁରାମ ରାଉତ, ଅନ୍ତର୍ଯାମୀ ବାରିକ, ପ୍ରଭାତ କୁମାର ନାୟକ, ଦଣ୍ଡଧର ସ୍ବାଇଁ, ଚତୁର୍ଭୁଜ ସାମଲ, ଅନନ୍ତ ସ୍ବାଇଁ, ସଂନ୍ତୋଷ କୁମାର ପୃଷ୍ଟି ପ୍ରମୁଖ ଶ୍ରମଦାନ କରିଥିଲେ । କରୋନା ଗାଇଡ୍ ଲାଇନ୍ ର ଅନୁପାଳନ କରିବା ସହିତ ମାସ୍କ ପରିଧାନ ,ସାମାଜିକ ଦୂରତା ଏବଂ ସାନିଟାଇଜର ବ୍ୟବସ୍ଥା କରାଯାଇଥିଲା।
