ଯାଜପୁର ( ଆୱାଜ ମିଡ଼ିଆ ) – ଜିଜ୍ଞାସୁ ସାହୁ : ଯାଜପୁର ଜିଲ୍ଲା କାଳିଆପାଣି ଥାନା ଅନ୍ତର୍ଗତ ପୋଡା ହାଟିଙ୍ଗିରେ ଘଟିଛି ଅଭାବନୀୟ ଘଟଣା l ଅଭାବ ଅସୁବିଧା ସାଙ୍ଗକୁ କାମ ନମିଳିବାରୁ ଜୀବନ ହାରିଲେ ଯୁବକ l ସୂଚନା ଅନୁଯାୟୀ ରଞ୍ଜିତ କେର୍କେଟା ନାମକ ଜଣେ ଯୁବକ ବିଳମ୍ବିତ ରାତିରେ ଗାଁ ନିକଟସ୍ଥ ଜଙ୍ଗଲ ଭିତରେ ଏକ ଆମ୍ବ ଗଛରେ ବେକରେ ରସି ଲଗେଇ ଆତ୍ମହତ୍ୟା କରିଥିବା ଦେଖି ପୋଲିସକୁ ଖବର ଦେଇଥିଲେ ଗ୍ରାମବାସୀ l ରଞ୍ଜିତ ଦିନ ମଜୁରିଆ ଭାବେ କାମ କରୁଥିବା ବେଳେ କିଛି ମାସ ହବ ହାତକୁ କାମ ନମିଳିବାରୁ ଘରେ ବସି ରହୁଥିଲେ l ଯାହା ଫଳରେ ପରିବାର ମଧ୍ୟରେ ଅଭାବ ଲାଗିରହିଥିଲା l ଗତକାଲି ସନ୍ଧ୍ୟାରେ ରଞ୍ଜିତ ଓ ତାଙ୍କ ପରିବାର ବର୍ଗ ଙ୍କ ମଧ୍ୟରେ ଏହାକୁ ନେଇ କଳହ ସୃଷ୍ଟି ହୋଇଥିଲା l ଫଳରେ ଅଭାବ ଦୁଃଖ ସହି ନପାରି ବେକରେ ରସି ଲଗେଇ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଓ ଗ୍ରାମବାସୀ l ଘଟଣାସ୍ଥଳରେ କାଳିଆପାଣି ପୋଲିସ ପହଁଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଚଳାଇଛି l
