ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ ଜିଲ୍ଲା ମହିପୁର ଫାଣ୍ଡି ପୋଲିସକୁ ମିଳିଛି ସଫଳତା । ପଚାଶ କେଜି ଗଞ୍ଜେଇ ସହ ଏକ ମାରୁତି ସୁଇଫ୍ଟ ଡ଼ିଜାୟର କାରକୁ ଜବତ କରିଛନ୍ତି ମହିପୁର ଫାଣ୍ଡି ପୁଲିସ . ଗଞ୍ଜେଇ ଚାଲାଣ ସମ୍ପର୍କରେ ଖବର ପାଇଁ ଫାଣ୍ଡି ଅଧିକାରୀ ରମେଶ ଚନ୍ଦ୍ର ଦେବତା , ଏଏସ୍ଆଇ ପ୍ରମୋଦ କୁମାର ନନ୍ଦ ଓ ତାଙ୍କ ଟିମ ବିଳମ୍ବିତ ରାତିରେ ମହିପୁର ଫାଣ୍ଡି ଅନ୍ତର୍ଗତ ମାଳିସାହି ଗ୍ରାମ ନିକଟରେ ଥିବା ଓଡି-୦୨ ବିଏଚ ୮୮୫୬ ନମ୍ବର କାରକୁ ଅଟକ ରଖିଥିଲେ . ସନ୍ଦେହ ଜନକ ଅବସ୍ଥାରେ ରଖାଯାଇଥିବା ଏହି ଗାଡ଼ିକୁ ଯାଞ୍ଚ କରିବା ସହ ଫାଣ୍ଡି କୁ ଆଣିଥିଲେ। ମାଜିଷ୍ଟ୍ରେଟଙ୍କ ସମ୍ମୁଖରେ ଯାଞ୍ଚ ସମୟରେ ଗାଡିରୁ ତିନୋଟି ଜରି ବସ୍ତା ମିଳିଥିଲା । ବସ୍ତା ମଧ୍ୟରେ ପ୍ରାୟ ପଚାଶ କେଜି ଦୁଇଶହ ଗ୍ରାମ ଗଞ୍ଜେଇ ଥିବା ଜଣାପଡିଛି। ଏହି ଘଟଣାରେ କାହାରିକୁ ଗିରଫ କରାଯାଇ ପାରିନଥିବା ବେଳେ ଗାଡି ଭିତରୁ ବ୍ୟାଙ୍କ ପାସ୍ ବୁକ୍ ଓ ଏଟିଏମ୍ କାର୍ଡ ଜବତ ହୋଇଥିବା ନୟାଗଡ଼ ଏସ୍ଡି ପିଓ ନିରଞ୍ଜନ ପାଢୀ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି।
