ବାଙ୍କୀ ( ଆୱାଜ ମିଡ଼ିଆ ) – ଅନନ୍ତ ରଣା : ବାଙ୍କୀ ଅଞ୍ଚଳର ଜଣାଶୁଣା ସାମ୍ବାଦିକ ତଥା ଜୀ-ଓଡ଼ିଶାର ବାଙ୍କୀ ପ୍ରତିନିଧି ଗୋବିନ୍ଦ ଚନ୍ଦ୍ର ପରିଡାଙ୍କ ଅକାଳ ବିୟୋଗ ଖବର ଶୁଣି ସମଗ୍ର ବାଙ୍କୀ ରେ ଶୋକର ଛାୟା ଖେଳି ଯାଇଛି . ସାମାନ୍ୟ ଅସୁସ୍ଥ ହେବା ପରେ ସେ କଟକର ଏକ ଘରୋଇ ନର୍ସିଂହୋମରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ , ତେବେ ଗତକାଲି ହୃତଘାତ କାରଣରୁ ତାଙ୍କର ମୃତ୍ୟୁ ଘଟିଥିଲା . ସାମ୍ବାଦିକ ଗୋବିନ୍ଦ ପରିଡାଙ୍କର ଅକାଳ ନିଧନ ଖବର ଜାଣିବା ପରେ ବାଙ୍କୀ ଅଞ୍ଚଳର ସାମ୍ବାଦିକ , ସାମାଜିକ କର୍ମୀ ଏବଂ ସାଧାରଣ ଲୋକେ ଗଭୀର ଶୋକ ପ୍ରକାଶ କରିଛନ୍ତି . ବାଙ୍କୀ ସବ-ଡିଭିଜିନ ୟୁନିଅନ ଅଫ ଜର୍ଣ୍ଣାଲିଷ୍ଟ ଏବଂ ବାଙ୍କୀ ପ୍ରେସ କ୍ଲବର ସଦସ୍ୟ ମାନେ ସ୍ୱର୍ଗତ ଗୋବିନ୍ଦ ପରିଡାଙ୍କ ଗ୍ରାମକୁ ଯାଇ ତାଙ୍କ ପରିବାରକୁ ଭେଟିଛନ୍ତି . ବାଙ୍କୀର ବରିଷ୍ଠ ସାମ୍ବାଦିକ ବଳଭଦ୍ର ପଣ୍ଡା , ଜ୍ଞାନେନ୍ଦ୍ର ମିଶ୍ର , ସମରେନ୍ଦ୍ର ମହାପାତ୍ର , ଅରବିନ୍ଦ ହରିଚନ୍ଦନ , ପୂର୍ଣ୍ଣଚନ୍ଦ୍ର ସାହୁ , ପ୍ରଦୀପ ଜେନା ପ୍ରମୂଖ ସାମ୍ବାଦିକ ଗୋବିନ୍ଦ ପରିଡାଙ୍କ ଅକାଳ ବିୟୋଗରେ ଶୋକ ପ୍ରକାଶ କରିଥିବା ବେଳେ ବିଭିନ୍ନ ଛାପା, ୱେବ ଏବଂ ବୈଦ୍ୟୁତିକ ଗଣମାଧ୍ୟମରେ କାର୍ଯ୍ୟରତ ପ୍ରତିନିଧିମାନେ ଅମର ଆତ୍ମାର ସଦଗତି କାମନା କରିଛନ୍ତି .
