ନୂଆଗାଁ ( ଆୱାଜ ମିଡ଼ିଆ ) – ସଞ୍ଜୀବ ଡାକୁଆ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ କାପ୍ତାପଲ୍ଲୀ ପଞ୍ଚାୟତରେ ଓଡିଶା ଜୀବିକା ମିଶନ (OLM) ତରଫରୁ ଲୋକମାନଙ୍କୁ ବନରାଜ କୁକୁଡ଼ା ଚିଆଁ ବଣ୍ଟନ କରାଯାଇଛି l ସ୍ୱୟଂସହାୟକ ଗୋଷ୍ଠୀ ମାଧ୍ୟମରେ ଲୋକମାନଙ୍କୁ ବନରାଜ କୁକୁଡ଼ା ଚିଆଁ ବଣ୍ଟନ କରାଯାଇଥିଲା l ଆଜି ପ୍ରଥମ ପର୍ଯାୟରେ ଜଣକ ପିଛା 15ଟା ଲେଖାଏ ଚିଆଁ ବଣ୍ଟାଯାଇଛି l କାପ୍ତାପଲ୍ଲୀ ସ୍ୱୟଂସହାୟକ ମହାସଂଘ ର M B K ରଶ୍ମିତା ଯାନୀଙ୍କ ଜରିଆରେ କୁକୁଡ଼ା ଚିଆଁ ଏବଂ ଦାନା ଦିଆଯାଇଥିଲା l ଏହି କାର୍ଯ୍ୟକ୍ରମରେ ଅତିଥି ରୂପେ ସ୍ଥାନୀୟ ସରପଞ୍ଚ ସୁଶ୍ରୀମୟୀ ସାମନ୍ତରାୟ, ସମିତିସଭ୍ୟ ବିଭୁତିଭୂଷଣ ବେହେରା, ସ୍ୱୟଂସହାୟକ ସଙ୍ଘ ର C R P ପୁଷ୍ପଲତା ପ୍ରଧାନ, ମିତା କୁମାରୀ, OLM ଆଶୁତୋଷ ନାୟକ, YP ଅମିତ କୁମାର ସାହୁ ଉପସ୍ଥିତ ରହି ଲୋକମାନଙ୍କୁ କୁକୁଡ଼ା ଚିଆଁ ବଣ୍ଟନ କରିଥିଲେ l ଏହାସହ ଲୋକମାନେ କୁକୁଡ଼ା ପାଳନ କରି କିପରି ସ୍ୱାବଲମ୍ବୀ ହୋଇପାରିବେ ସେ ବାବଦରେ କାପ୍ତାପଲ୍ଲୀ ସରପଞ୍ଚ ସୁଶ୍ରୀମୟୀ ସାମନ୍ତରାୟ ଏବଂ ମହାସଂଘ ର M B K ରଶ୍ମିତା ଯାନୀ ଲୋକମାନଙ୍କୁ ବୁଝାଇଥିଲେ ll
