ନୟାଗଡ଼ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ ଜିଲ୍ଲା ନୂଆଗାଁ ବ୍ଲକ ପରିସରରେ ଆୟୋଜିତ ହୋଇଯାଇଛି ବସୁନ୍ଧରା କାର୍ଯ୍ୟକ୍ରମ . ଦଶପଲ୍ଲା ବିଧାୟକ ତଥା ନୟାଗଡ଼ ଜିଲା ବିଜେଡି ସଭାପତି ରମେଶ ଚନ୍ଦ୍ର ବେହେରା ମୁଖ୍ୟ ଅତିଥି ଭାବରେ ଯୋଗଦେଇ ଭୂମିହୀନ ମାନଙ୍କୁ ଜମି ପଟା ବଣ୍ଟନ କରିଥିଲେ l ସେହିପରି ନୂଆ ଆବେଦନ କରିଥିବା ଦିବ୍ୟାଙ୍ଗ ଭତ୍ତା , ପ୍ରଧାନମନ୍ତ୍ରୀ ଆବାସ ଯୋଜନା ପାଇଁ କାର୍ଯ୍ୟାଦେଶ ବିଧାୟକଙ୍କ ମାଧ୍ୟମରେ ପ୍ରଦାନ କରାଯାଇଥିଲା l କରୋନା ମହାମାରୀ ସମୟରେ ନିରବଛିନ୍ନ ସମ୍ବାଦ ପରିବେଷଣ କରି ଜଣ ସଚେତନତାରେ ସହଯୋଗ କରିଥିବା ସମସ୍ତ ଗଣମାଧ୍ୟମ ପ୍ରତିନିଧିଙ୍କୁ କରୋନା ଯୋଦ୍ଧା ସମ୍ମାନ ପ୍ରଦାନ କରାଯାଇଥିଲା . ବିଧାୟକ ଶ୍ରୀ ବେହେରା ସାମ୍ବାଦିକ ମାନଙ୍କୁ ଉତ୍ତରୀୟ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରିଥିଲେ l ସାମ୍ବାଦିକ ମାନେ କୋଭିଡ ସମୟରେ କିପରି ଜୀବନକୁ ପାଣିଛଡ଼େଇ ନିର୍ଭିକ ଭାବେ ସଠିକ ଖବର ପହଞ୍ଚାଇ ଥିବାରୁ ଇଲକ୍ଟ୍ରୋନିକ୍ସ, ପ୍ରିଣ୍ଟ ଏବଂ ୱେବ ମିଡ଼ିଆ କୁ ଶ୍ରୀ ବେହେରା ସମ୍ବୋଧନ କରିଥିଲେ l ସମ୍ମାନୀତ ଅତିଥି ଭାବେ ନୂଆଗାଁ ବ୍ଲକ ଅଧକ୍ଷ ଅନ୍ତର୍ଯ୍ୟାମୀ ସ୍ୱାଇଁ, ଉପାଧ୍ୟକ୍ଷା ପୁଷ୍ପାଞ୍ଜଳି ସାହୁ , ନୂଆଗାଁ B D O ପ୍ରମୋଦ ଦଳବେହେରା, ନୂଆଗାଁ ତହସିଲଦାର ଶରତ କୁମାର ମଲ୍ଲିକ , ସାଂସଦ ପ୍ରତିନିଧି ବିଜୟ କୁମାର ସାସମଲ, ସନ୍ୟାସୀ ସାମଲ ଉପସ୍ଥିତ ଥିଲେ l କାର୍ଯ୍ୟକ୍ରମ ଅବସରରେ ଯାକେଡ଼ା ଏବଂ ନୂଆଗାଁର ଦୁଇଟି ସ୍ୱୟଂ ସହାୟକ ଗୋଷ୍ଠୀ କୁ ପାୱାର ଟ୍ରିଲର ପ୍ରଦାନ କରାଯାଇଛି l
