ନୟାଗଡ ( ଆୱାଜ ମିଡ଼ିଆ ) – ସଞ୍ଜୀବ କୁମାର ଡାକୁଆ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ ଗୁମି ପଞ୍ଚାୟତର ଡ଼ିମିରିପଲ୍ଲୀ ଛକରେ ମୋବାଇଲ ଟାୱାର ନିର୍ମାଣ ପାଇଁ ସ୍ଥାନୀୟ ଲୋକମାନଙ୍କର ଦାବି କରିଛନ୍ତି l ଡ଼ିମିରିପଲ୍ଲୀ ଅଂଚଳରେ ମୋବାଇଲ ନେଟୱାର୍କ ନଥିବାରୁ ପାଖାପାଖି ୧୫ଟି ଗ୍ରାମ ଲୋକ ମୋବାଇଲ ସୁବିଧାରୁ ବଞ୍ଚିତ ହେଉଛନ୍ତି l ଡ଼ିମିରିପଲ୍ଲୀ, ଦନ୍ତୁରା, ଦମତୁଲ, କୁସୁମାଗାଡିଆ, ଯାକେଡ଼ା, ବରଡ଼ିହି ଇତ୍ୟାଦି ଗ୍ରାମର ବାସିନ୍ଦା ନେଟୱାର୍କ ନଥିବାରୁ ଫୋନ କରିବା ପାଇଁ ୨ କିମି ପର୍ଯ୍ୟନ୍ତ ଯାଇ ଫୋନ କରୁଛନ୍ତି l ଡ଼ିମିରିପଲ୍ଲୀରେ ଗୋଟିଏ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ରହିଛି, ସେବାଶ୍ରମ ହାଇସ୍କୁଲ ରହିଛି ଏପରିକି ଅନେକ ସରକାରୀ କାର୍ଯ୍ୟାଳୟ ଡେଲି ମାର୍କେଟ ଅଛି . ଗ୍ରାମାଞ୍ଚଳର ଲୋକମାନଙ୍କ ପାଇଁ ସର୍ବନିମ୍ନ ସୁବିଧା ଥିବା ସ୍ଥଳେ ମୋବାଇଲ ଟାୱାର ଗୋଟେ ନାହିଁ , ଯାହାଫଳରେ ଲୋକମାନେ କିମ୍ବା ସ୍କୁଲ ପିଲାଙ୍କର କିଛି ସମସ୍ୟlହେଲେ ଅଭିଭାବକ ଙ୍କୁ ଜଣେଇବା ସମସ୍ୟା ହେଉଛି, ଜରୁରୀକାଳୀନ ପରିସ୍ଥିତିରେ 108 ଆମ୍ବୁଲାନସ କୁ ଫୋନ କରିବାକୁ ସମସ୍ୟା ଭୋଗୁଛନ୍ତି ଲୋକେ . କରୋନା କଟକଣା ପରିସ୍ଥିତିରେ ପିଲାମାନେ ଅନଲାଇନ ଶିକ୍ଷାଦାନରୁ ବଞ୍ଚିତ ହେଉଛନ୍ତି . ଏ ସମସ୍ତ ସମସ୍ୟାର ସମାଧାନ ପାଇଁ ଶୀଘ୍ର ମୋବାଇଲ ଟାୱାର ପ୍ରତିଷ୍ଠା ଦିଗରେ ପଦକ୍ଷେପ ଗ୍ରହଣ ପାଇଁ ଲୋକେ ଦାବୀ କରିଛନ୍ତି ll
