ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ନୟାଗଡ଼ ଜିଲ୍ଲା ଅନ୍ତର୍ଗତ କୁମ୍ଭାରପଡ଼ା ଗ୍ରାମ ସ୍ଥିତ ଲଡୁକେଶ୍ୱର ମହାଦେବଙ୍କ ମନ୍ଦିର ପ୍ରାଙ୍ଗଣ ରେ ପଣ୍ଡିତ ସ୍ୱର୍ଗତ ହରେକୃଷ୍ଣ ଦାଶ ଙ୍କ ରଚନାବଳୀ ଉନ୍ମୋଚିତ ହୋଇଯାଇଛି । ଓଡ଼ିଶା ବିଖ୍ୟାତ ପାଲାକାର, ପଣ୍ଡିତଙ୍କ ଗ୍ରାମବାସୀ, ବଂଶଧର ମାନଙ୍କ ଗହଣରେ ଭୁବନେଶ୍ୱର ବିଜେବି କଲେଜର ଓଡ଼ିଆ ବିଭାଗର ମୁଖ୍ୟ ଡା.ପ୍ରେମାନନ୍ଦ ମହାପାତ୍ର , ନୟାଗଡ଼ ମହାବିଦ୍ୟାଳୟ ର ଓଡ଼ିଆ ବିଭାଗ ମୁଖ୍ୟ ଡ଼ା.ଗୋବିନ୍ଦ ଚନ୍ଦ୍ର ଦାଶ ଦ୍ଵାରା ସଂଗୃହିତ ଏବଂ ବହୁ ପ୍ରତିକ୍ଷୀତ ଗ୍ରନ୍ଥାବଳୀ ଉନ୍ମୋଚନ ହୋଇଥିଲା । ତାଙ୍କ ରଚିତ କାବ୍ୟ କବିତାକୁ ଏବେ ମଧ୍ୟ ଖଣ୍ଡପଡ଼ା ର ପୁରପଲ୍ଲୀରେ ସମସ୍ତ ଜନସାଧାରଣ ଗୁଣୁ ଗୁଣେଇ ଥାନ୍ତି । କୁମ୍ଭାରପଡ଼ାର ପାଲା ଗାୟକ ଉଦୟନାଥ ରଥଶର୍ମା ତାଙ୍କର ପାଲା ମାଧ୍ୟମରେ ପଣ୍ଡିତ ହରେକୃଷ୍ଣ ଦାଶ ଙ୍କ ଗ୍ରନ୍ଥାବଳୀ ମାଧ୍ୟମରେ ଓଡ଼ିଶାର ପୂର ପଲ୍ଲୀରେ ଆଜି ବିଖ୍ୟାତ ହୋଇଛନ୍ତି .
