ନୟାଗଡ ( ଆୱାଜ ମିଡ଼ିଆ ) – କିଶୋର ମହାପାତ୍ର : ବହୁଚର୍ଚ୍ଚିତ ନୟାଗଡ଼ ପରୀ ଅପହରଣ ଓ ହତ୍ୟା ଘଟଣା କୁ ନେଇ ଜାରି ରହିଛି ତନାଘନା . କ୍ରାଇମବ୍ରାଞ୍ଚ ଏସଆଇଟି ଯଦୁପୁର ଗ୍ରାମର ସରୋଜ ସେଠୀଙ୍କୁ ଗିରଫ କରିଥିବା ସମୟରେ ପ୍ରମାଣ ଜୁଟାଇବା ପାଇଁ ପୁରା ଦମ ରେ ଲାଗିଯାଇଛି ତଦନ୍ତକାରୀ ସଂସ୍ଥା . ପରୀର ଗଳିତ ମୃତଦେହ ଉଦ୍ଧାର ହୋଇଥିବା ପୋଖରୀକୁ ଶୁଖାଇ ଆଗରୁ ମିଳିନଥିବା ପୋଷାକ ଖୋଜିବାରେ ଲାଗିଥିଲା ଏସଆଇଟି ଟିମ । ଦୀର୍ଘ ଚାରି ଘଣ୍ଟା ପରିଶ୍ରମ କରି ପୋଖରୀ ରୁ ପାଣି ଶୁଖାଇଥିଲେ ଅଗ୍ନିଶମ ବିଭାଗ ଏବଂ ଓଡ୍ରାଫ ଟିମ୍ . ବହୁ ଖୋଜାଖୋଜି କରିବା ପରେ ପୋଖରୀ ଭିତରୁ ଉଦ୍ଧାର ହୋଇଛି ଲେଗିଙ୍ଗସ । ଏସଆଇଟି ମୁଖ୍ୟ ଅରୁଣ ବୋଥ୍ରା ଙ୍କ କହିବା ଅନୁସାରେ ପରୀ ର ଲେଗିଙ୍ଗସ କୁ ପୋଖରୀରେ ଫିଙ୍ଗିଥିବା କଥା ସ୍ୱୀକାର କରିଥିଲା ସରୋଜ । ପୋଖରୀରୁ ମିଳିଥିବା ଲେଗିଙ୍ଗସ କୁ ହେପାଜତକୁ ନେଇଛି ଏସଆଇଟି । ତେବେ ମିଳିଥିବା ପୋଷାକ ପରୀ ର କି ନାଇଁ ସେ ସମ୍ପର୍କରେ ପରୀକ୍ଷା ପରେ ସ୍ପଷ୍ଟ ହୋଇପାରିବ .
